Jobe
25 Bidade mukwa Suwá watambwijila, wixi:
2 “O ungana ni kutena kwa mutokala mwene,
Mwene ubhangesa kwila ku dyulu kutululuka.
3 Nanyi utena kukwata konda ya kifuxi kyê?
O kwila o mukengeji wê u mwikina athu oso?
4 Kyebhi-phe, mukwa ituxi kyakala ni kuyuka bhu pholo ya Nzambi?
O kwila o mukwa ituxi utena kukamba kikuma?
5 Kate mwene o mbeji phala mwene kiyala ni kubhenya,
O jithéthembwa kijayuka bhu pholo yê,
6 Kwambe dingi o mukwa ituxi wedi kala kabamba,
Ni mona muthu wedi kala díndwi!