Dimatekenu

DIDI divulu dia misoso ia kidi. Ai katula ku divulu dia beta-kota ku mundu, o Bibidia. Izuela maka alungu ni musoso ua mundu, tundé kia mateka Nzambi ku bhanga o ima, katé mu izuua ietu. Katé ué izuela se kima kiahi kia kanena Nzambi ku bhanga ku hádia.

O divulu didi di ku longa se o Bibidia ihi. Dizuela maka alungu ni athu mu Bibidia, ni ihi ia bhangele. Didikisa ué, o kukinga kua muenhu ua kalelaku mu palaízu, ia bhana Nzambi ku athu mu ixi.

Mu divulu didi muala 116 ia misoso. Ai uane mu nake dia ibatu. Kala difue ku dimatekenu dia mbandu di tanga se ihi iala mu kibatu kiki. O misoso a i tanga kála ki ia bhiti. Íii ia-nda ku kuatekesa kuijiia ioso ia bhiti ku musoso ia lungu ni ima ia mukuá.

O misoso a i tanga mu izuelelu ia iuka. Ana-ndenge avulu a-nda tena ku i tanga ubheka uâ. Enu mu jitata mua-nda mona kuila, an’enu a-nda sanguluka mukonda dia kuijiia o misoso ienii, tangenu phala an’enu mu ithangana ioso. Mua-nda mona kuila mu divulu didi muala maka ambote a sidivila phala mizangala ni adiakimi.

Dilombuelelu dia Bibidia dimoneka mu dizubhilu dia musoso. Tua ku tendelesa ku tanga o ibatu ienii ia Bibidia, muene mu tu sanga o misoso.