“Mu di Zole Kala mu Jiphange”
1. Ihi ia bhindamena o athu lelu?
1 Nuka ku mundu uoso kuexile athu avulu ni ibhindamu ia mixima. O ukexilu ua muenhu ku mundu, uene mu bhangesa athu ku banza kia iibha, ni ku kamba ku zediua, ku luuala, ni ku kamba kidielelu. Mazunda ni mazunda a bhingi kikuatekesu, mukonda tu Jikidistá, tuala ni kithangana kia kulondekesa kuila tua mesena o mbote ia athu. (Mat. 22:39; Ng. 6:10) Kiebhi ki tu londekesa kuila tua mesena o mbote ia athu?
2. Uebhi o ukexilu uambote ua kulondekesa o henda?
2 O Kikalakalu Kia Henda: O kikuatekesu kia kidi, ki nangenena, ki tunda ngó kua Nzambi. (2 Kol. 1:3, 4) Jihova u tu tendelesa ku kaiela o phangu iê, “mu ku di zola mudietu,” muéne ua tu tumu ku kunda o ji vizinhu jetu, ni njimbu iambote ia Utuminu. (1 Phe. 3:8) O ku suína mu ku boka, kuene kua tokala phala ku suínisa o athu “ala ni kikote mu muxima,” mukonda o Utuminu ua Nzambi, uene o kidielelu kia kidi phala o athu a mu bhita mu hadi. (Iza. 61:1) Kua kambe ngó, mukonda dia henda ia mundu uê, Jihova ua-nda bhanga ioso phala ku zubha ni kuiibha kuoso, ni ku bhanga o ixi palaízu.—2 Phe. 3:13
3. Kiebhi ki tu tena ku mona o athu, kála Jezú?
3 Tala o Athu Kála Kia Kexile mu a Tala Jezú: Né muene kioso kiexile mu boka kifuxi kia athu, Jezú kexile mu a tala ngó, kála athu. Muéne uexile mu a mona kála athu a bhingi kikuatekesu mu nzumbi. Ene exile kála jimbudi ja kambe mubhidi phala kua endesa. Jezú ua divu mu ioso ia mono, mu kienhiki, kia mu suínisa kua longa ni muanhu. (Mar. 6:34) O ukexilu uetu ua ku mona o athu kála kia bhangele Jezú, kia-nda tu suínisa kulondekesa henda ia kidi kua ene. Kiki, a tena ku ki mona mu ukexilu uetu ua kuzuela, ni ku pholo. O ku boka, kiene o kikalakalu kia-nda kala ku pholo, ni kuijiia kiebhi ki tu zuela.—1 Kol. 9:19-23.
4. Mukonda diahi tua tokala kulondekesa henda?
4 Mundu uavulu ua ifuxi ioso, a mu xikina kiambote o njimbu ia Utuminu, ni henda ioso i tua a londekesa. Kioso ki tuia ni kulondekesa o henda, tua-nda bhana kijingu, ni ku sangulukisa o Nzambi ietu ia henda, Jihova.—Ko. 3:12.