Ku bhitulula o Milongi ia Xikola ia Ukunji

O ibhuidisu íii, a-nda i bhanga mu xikola ia ukunji ua Nzambi, mu semana ia 27 ia mbeji ia Kauana, ia 2012. A bandekesa-ko o ji semana mua bhange o milongi phala ku kuatekesa o ku tokuesa ni ku pelepalala o xikola ia semana joso.

1. O kuila kima kiambote kuzuela kuma o henda ia Jihova, i mu bhangesa o ku kamba o kufundisa ni kuiuka kuê? (Iz 30:18) [Semana ia 9 ia mbeji ia Katatu, w02 1/3 p. 30]

2. Disá diahi di tu tena o ku di longa kua Sebena o ku mu katula o kikalakalu kala selevende ia Ezekiia, ni ku bhanga kikalakalu kiéngi? (Iz 36:2, 3, 22) [Semana ia 16 ia mbeji ia Katatu, w07 15/1 p. 8 p. 6]

3. Ihi i tu tena o ku di longa mu ia bhiti mu divulu dia Izaia 37:1, 14-20 ia lungu ni ku dibhana ni kikoto? [Semana ia 16 ia mbeji ia Katatu, w07 15/1 p. 9 p. 1-2]

4. Kiebhi o kifika kia Izaia 40:31 ki suínisa o jiselevende ja Jihova? [Semana ia 23 ia mbeji ia Katatu, w96 15/6 p.10-11]

5. Mukonda dia ita iahi ia zukama i tu sanga mu izuelu ia Jihova mu divulu dia Izaia 41:14, i tu suínisa lelu? [Semana ia 23 ia mbeji ia Katatu, ip-2 p. 24 p. 16]

6. Kiebhi ki tu londekesa kua Jihova kuila tua mu ‘sota o kuiuka?’ (Iz 51:1) [Semana ia 6 ia mbeji ia Kauana, ip-2 p. 165 p. 2]

7. A nanhi “avulu” a a tange mu divulu dia Izaia 53:12, ni disá diahi di tu di longa kua Jihova mu ukexilu ua ku dibhana ni ene? [Semana ia 13 ia mbeji ia Kauana, ip-2 p. 213 p. 34]

8. Ihi iene mu fikisa o mundu ua Nzambi mu izuua íii isukidila-ko io tange mu divulu dia Izaia 60:17? [Semana ia 20 ia mbeji ia Kauana, ip-2 p. 316 p. 22]

9. Ihi ilombolola ‘o muvu ua ku bhanduluka’ ua tumina kua Jezú ni maxibulu mê o ku boka? (Iz 61:2) [Semana ia 20 ia mbeji ia Kauana, ip-2 p. 324-325 p. 7-8]

10. Ídifua iebhi iambote ia Jihova, io tange mu divulu dia Izaia 63:9? [Semana ia 27 ia mbeji ia Kauana, w03 1/7 p. 19 p. 22-23]