As Maravilhas da Criação Revelam a Glória de Deus

Athu avulu a uabhela ku mona o ibhangelu. Maji ofele ejiia kuila kioso kia bhanga kiki, a mu mona o ibanzelu ni muxima ua Mubhangi uetu ua Dikota. (Lom. 1:20) Davidi ua di longo ia lungu ni Jihova bhu kaxi ka Maka Mê. Maji muéne ua “mono” ué, iu ua zukama kua Jihova mu kaxi ka ibhangelu iê. (Jisá. 8:3, 4) O video, As Maravilhas da Criação Revelam a Glória de Deus, ia-nda tu kuatekesa, ni tuana tuetu, ni maxibulu metu ku mona o ibhangelu ia Jihova, ku mona o ídifua ia Mubhangi uetu ua Dikota, ni ku tu zukamesa dingi kua muéne. Mu ku suluka, tala se u tena ku tambuijila o ibhuidisu ia kaiela.

(1) Kiebhi o unéne ni ku di sokeka kua ngongo ioso, ku bandekesa o ku zola Jihova? (Iza. 40:26) (2) Kioso ki tu zukama bhu kaxi ka menha, ihi i tu di longa dingi ia lungu ni Nzambi? (Dij. 14:7) (3) Kiebhi o unéne ua ixi ni mukengeji uala bhu kididi kia tokala, ulondekesa o unjimu ua Jihova? (4) Mukonda diahi Nzambi ua bhange o dieji? (Jisá. 89:37) (5) Kiebhi Jihova kia bhange o athu phala n’a katula mbote ku muenhu? (6) O DNA ihi? (Jisá. 139:16) (7) Mu ibhangelu ioso ia Jihova iala mu ixi, kiebhi o athu kia di tungula? (Dim. 1:26) (8) Ihi i u mona ku mundu ua ubhe?

Maukexilu a Mukua: (9) Kuebhi kua tundu o jikolo? (10) Kiebhi o menha a kuatekesa o mixi kukula kiambote? (11) Ihi i bhanga o menha ku mikutu ietu? (12) Bhana ifika ilondekesa kuila o ima ia muenhu ia difu. (13) Kiebhi o ibhangelu iejiia kuma ia tokala ku tunga kumoxi? (14) Kiebhi o ithulu ki i kula?

Tala Kiambote o Ibhangelu ia Jihova: Jezú ua tu suinisa, “talesenu jinjila ji bhita bhulu” ni ku ‘xinganeka o ithulu ku mukáu.’ (Mat. 6:26, 28) Mu ku bhanga kiki, ku kolesa o kixikanu kietu ni ku bandekesa o kidielelu ku Mubhangi, ni ku bandekesa o ku uabhela unjimu ua Jihova, ni kutena kua ku bhulula o athu, ni henda iê. Mu veji dia ku u nganala ni ima ia mundu iú, bhanga nguzu phala ku xinganeka mu ibhangelu ia Jihova, ni ku banza ihi i tu longa ia lungu ni Nzambi ietu ionene.—Jisá. 19:1.