Jingolokela

◼ Madivulu phala kua bhana. Mbeji ia Katanu: Mu Kidi Ihi i Longa o Bibidia?. O aboki a tokala ku xinganeka mu ku longa o Bibidia ni athu a-nda tambula o madivulu iâ, mba ala kiá ni divulu didi bhu bhata. Mbeji ia Kasamanu: O Mulangidi ni Despertai!. Mu ku kunda o athu a xikina, ni ió akexile kumoxi n’etu mu Lembalasa ia kufuá kua Jezú, mba mu iônge ia mukua, maji kene mu diongeka ni kilunga, xinganeka kua longa o Bibidia mu divulu Bibidia i Longa. Mbeji ia Kanake: Mu Kidi Ihi i Longa o Bibidia?. Se o mukua dibhata uala kiá ni divulu, mba ka mesena ku di longa o Bibidia, o aboki a tena ku mu bhana mulangidi mba kamukanda ka mu uabhela.

◼ O Mulangidi ni Despertai! dia ubhe, a tokala ku ji bhana ku jiphange ni kithangana kia soko. Kiki, ki bhana ku aboki kithangana kia ku di sokeka ni kuijiia o milongi, ande dia ku ji bhana mu sidivisu ia ku boka.

◼ O Lembalasa ia kufuá kua Jezú, ia-nda bhita kia Kinda, mu kizuua kia 5, kia mbeji ia Kasamanu ka 2012. Se o kilunga kiê kiene mu diongeka kia Kinda, phala ku bhanga o iônge, a tena ku ki bhanga mu kizuua kiéngi se o Kididi kia Kubheza ki bhana. Se ki ki bhana, o jimbandu ja mukua ja Kiônge kia Sidivisu, a tena ku ji bhanga ni Kiônge kiéngi kia Sidivisu mu kilunga, mu semana ia kaiela.

◼ O video jiiadi Jovens Perguntam, Como Fazer Verdadeiros Amigos ni O que Fazer da Minha Vida? Tua-nda di longa na-ju ku pholo, mu Iônge ia Sidivisu. Se mua bhingi ji kopia ja malonga jenhiji, tua mi dióndo, bhinge-nu ni kithangana kia soko.