“Tende Amor à Associação Inteira dos Irmãos”
O izuelu íii tundé kia isoneka kua bhiti kiá midi jiiadi ja mivu. (1 Phe. 2:17) Maji lelu iala hanji ni valolo phala etu! Kiebhi ki tu tena ku zola o phange joso ku mundu? Ku mundu iú kua kambe o henda, ihi i tua tokala o ku bhanga phala o henda ietu ki i zoze? (Mat. 24:12) Tala se u tena ku tambuijila o ibhuidisu íii, mu ku mona o vidiu Tende Amor à Associação Inteira dos Irmãos.
(1) Tua mateka o ku bhanga mbandu ia phange joso ku mundu tundé o kizuua kiebhi? (2) Iebhi o ikalakalu itatu i tua di bhakula ku muiji iú? (3) Kiebhi o jiphange jetu kiene mu londekesa o ku suína kuâ, mu ku boka (a) ku maxokololo a Alasca, (b) mu mbanza ia dikota ia Europa, ni (c) mu muxitu ua Peru? (4) Mukonda diahi ki tua tokala ku banza kuila o kikalakalu kia ku boka ki kikalakalu kia ki ngó? (5) Bhana phangu kiebhi o Jimbangi ja Jihova kiene mu di kuatekesa mudiâ (a) kioso kia bhiti o kitungutu, (b) kioso kia bhiti o kitembu kia dikota, (c) kioso kia bhiti o ita? (6) Kiebhi ki tu tena kulondekesa o henda ietu ku jiphange joso? (Nzu. 13:35) (7) Mabesá ahi u tu tambula mu ku tunga kumoxi o Kididi kietu kia Ubhezelu? (8) Kiebhi o jiphange jetu ku Europa ni ku Rússia kia di dikila mu nzumbi sumbala ni ku a zukutisa ku jinguvulu? (9) Nguzu iahi ia bhange o Jimbangi ja Jihova phala kuia mu iônge ia makota ni iônge ionene ni mukonda diahi? (10) Kiebhi o vidiu íii ia ku kuatekesa dingi (a) mu ku bheza Jihova kumoxi ni jiphange mu iônge, (b) mu ku kuatekesa akuetu a bhindama, ni (c) mu ku boka ni ufiiele uoso mu ithangana ioso? (11) Kiebhi ki tu tena ku boka ni vidiu íii mu ukunji uetu?
O kima ki tu bhangesa ku dizola mudietu, o henda ietu kua Jihova. Tua uabhela o ku di longa ia lungu ni Jihova ni ku longa ué athu a mukuá ia lungu ni Jihova. Tua zolo Jihova ni athu a a zolo kua muéne. Kioso ki tu a kuatekesa mu ithangana ia ibhidi, ki tu kingila kuila Jihova u tu sakidila. Etu tua tokala ku mu sakidila, mukonda o muiji ua phange joso ku mundu ua tu bhana Jihova, u tu sangulukisa o muxima uetu. Izuua ioso i bhita, tu zola dingi o muiji uetu ua phange joso ku mundu!