Ku Kuatekesa Ió ka Mesena ku di Longa o Divulu Bibidia i Longa
1. O kuila athu oso a xikina ku di longa o divulu Bibidia i Longa? Jimbulula.
1 Phala muthu ku kala mubhezi ua Jihova, ua tokala ku di longa o Bibidia. Maji saí athu ka tokala mu ngeleja, ka xikina kuila o Bibidia Mak’â Nzambi. Amukuá ka xikina kuila kuene muene Nzambi, mukonda dia kiki, ka xila o Bibidia. O kuila saí madivulu amukuá, a kuatekesa ió ka xikina ku di longa o divulu Bibidia i Longa? O milongi i tua-nda di longa, jindunge ja jiphange a tokala ku 20 a jixi.
2. Se muthu u zuela kuila ka xikina kuila kuene Nzambi, ihi i tua tokala o ku bhanga ni mukonda diahi?
2 Ió Ka Xikina Kuila Kuene Nzambi: Se muthu uzuela kuila ka xikina kuila kuene Nzambi, kima kiambote kuijiia se mukonda diahi. O kuila mukonda dia ku xikina kuila o ima ia moneka ngó? O kuila ka xikina kuila kuene Nzambi, mukonda dia hadi iene mu ngongo, mba mukonda dia makutu a jingeleja? O kuila ua tundu mu ixi i fidisa o athu, ku xikina kuila kuene Nzambi? Nange muéne u xikina kuila kuene Nzambi, maji u banza kuila ka bhindamene kima ki mu bhangesa ku dielela kua Nzambi. Saí aboki ene mu bhanga o kibhuidisu kiki: “O kuila uene mu banza kiá kiki, tundé ukulu?” phala kuehela o muthu ku jimbulula. Ívua kiambote sé ku batula o muthu ua mu zuela. Se tuijiia mukonda diahi o muthu ka xikina kuila kuene Nzambi, tua-nda kuijiia kiebhi ki tu tena ku mu kuatekesa ni ku tonginina o divulu di tua tokala o ku mu bhana.—Jisa. 18:13.
3. Kiebhi ki tu tena ku xila o muthu, ni ibanzelu iê?
3 Mu ku tambuijila, tua tokala ku di langa, ki tu tokala ku bhangesa o muthu ku banza kuila o ibanzelu iê ia iibha. O ndunge íii ia tundu mu ixi ia Estados Unidos: “Kima kiambote ku xila o ibanzelu ia muthu ia lungu ni ima ia xikina. Mu veji dia ku zuela kiavulu, kima kiambote ku bhanga kibhuidisu ki bhangesa o muthu ku xinganeka, ni ku mu bhangesa ku tonginina kiambote.” Saí kafunga ka sidivisu, kioso kiévua o mukua dibhata, muéne uibhula: “O kuila ua xinganeka kiá mu maka enhá?”
4. Kiebhi ki tu tena ku longa o ji Budista?
4 Saí athu a tokala ku ngeleja ia ji Budista, kia a bhonza ku xikina kuila kuene Nzambi. Saí aboki mu ixi ia Grã-Bretanha, kioso kia sanga athu a jixi jiji, a uabhela ku longa ni kadivulu Como Ter Verdadeira Paz e Felicidade. Kioso kia tanga o milongi ia dianga, ene a tanga o mbandu ni diambu: “Existe Realmente um Criador Supremo?” ni mbandu iambe: “Um Guia Prático para Beneficiar Toda a Humanidade.” Mu ku suka-ku a tena ku bhana o divulu Bibidia i Longa, ni ku zuela ku mukua dibhata “Né muene ki u xikina kuila kuene Nzambi, kima kiambote ku di longa o Bibidia, mukonda tu sanga-mu milongi ia tokala.” Saí muboki ua thembu ioso, ua tokala mu ixi ia Estados Unidos,ua mu boka ku ji xineji uambe: “Mu mbambe ietu saí athu avulu a uabhela o ku tanga. Ande dia kua kunda dingi, ene a tanga kiá o divulu di tua xisa. Maji ene ka xikina ku di longa o Bibidia. Mukonda dia kiki, nga uabhela ku bhana o kadivulu Njimbu Iambote, kioso ki nga a kunda, mukonda a ka bhange mu ukexilu u kuatekesa ku zuela ni athu.” Saí kafunga ka kilunga ku Estados Unidos, ua mu boka ku ji xineji uambe kuila, ki ki bhonzo ku bhana o divulu Bibidia i Longa kioso ki u sanga muthu. Maji kima kiambote ku mateka mu kibatulu kia 2, mu tu sanga milongi ia lungu ni Bibidia, mu veji dia ku mateka mu kibatulu kia 1, ki longa ia lungu ni Nzambi.
5. Mukonda diahi ku bhinga ku kala ni muanhu?
5 Ku bhinga kithangana phala muthu ku kala ni kixikanu kua Nzambi, mu kiki-phe tua tokala ku kala ni muanhu. Ki tu tokala ku bhangesa o muthu ku xikina kuila kuene Mubhangi, kioso ki tu zuela nau mu veji ia dianga. Maji mu ku bhita kithangana, nange muéne u xikina kuila kuene Nzambi mba u zuela kuila uejiia se mukonda diahi o muthu u tena ku xikina ku Mubhangi.
6. Mukonda diahi saí athu ka xikina o milongi ia Bibidia?
6 Ió Ka Xikina mu Bibidia mba Ka Dielela mu Milongi Iê: O muthu ka xikina kuila kuene Nzambi, ka dielela mu milongi ia Bibidia, mukonda muéne ka xikina mu Mak’â Nzambi. Nange ua tungu mu mbanza muene athu ki jikidistá inga u sokesa o milongi ia Bibidia ni ia Jingeleja. Mba ua tungu bhu kididi kuene athu a zuela kuila Jikidistá a di longo kiavulu, anga u banza kuila o milongi ia Bibidia ki ia-nda mu kuatekesa. Kiebhi ki tu tena ku kuatekesa o athu enhá ku xikina o milongi ia Bibidia ni ku di longa o divulu Bibidia i Longa?
7. Jindunge jebhi ji tu kuatekesa ku longa o Bibidia ku athu?
7 O filiiale ia Grecia ia soneka: “Kima kiambote ku jikula o Bibidia ni ku ilondekesa, ku athu ka xikina o milongi ia Bibidia. Aboki avulu a mono kuila o milongi ia Bibidia iala ni kutena, i tula ku mixima ia athu, o izuelu ia aboki ndenge. (Jihe. 4:12) O ku mona o dijina dia Nzambi mu Bibidia, dia kuatekesa athu avulu ku dielela mu Bibidia.” O filiiale ia India ia soneka: “O kidi kia lungu ni muenhu ni kufuá, kiene mu kuatekesa o ji Hindus javulu. O Bibidia i kanena kuila ku hádia ki kua ka kala dingi kathombo ka kikonda.” Kioso kia mona o maka a bhita nau o athu, o aboki a londekesa ku athu ihi i longa o Bibidia ia lungu ni kiebhi o Utuminu ua Nzambi, ua-nda zubha o maka oso ene mu ngongo.
8. Ihi i tua tokala o ku zuela, se saí athu ala ni ibanzelu ia iibha ia lungu ni Bibidia mukonda dia Jingeleja?
8 Se saí muthu uala ni ibanzelu ia iibha ia lungu ni Bibidia mukonda dia Jingeleja, mu tangele kuila o Jingeleja kene mu xila o milongi ia Bibidia. O filiiale ia India ia soneka: “Tua tokala ku kuatekesa o athu enhá, kuijiia kuila o Bibidia ki i tokala ku jingeleja.” Ene a soneka kuila o ji Hindus, a diuana kiavulu kioso kia di longa o kadivulu Qual É o Objetivo da Vida? Como Encontrá-lo? i jimbulula kiebhi o jingeleja kiene mu lungulula o Mak’â Nzambi ni ku u jima. Saí muboki ua thembu ioso mu ixi ia Brasil, uibhula ku athu: “Mukonda diahi ku di longo dingi phala kuijiia o milongi ia Bibidia? Athu avulu a mu bhanga kiki, ni muxima uoso, sé kua jijidika ku xikina ku kala Jimbangi ja Jihova. Ua-nda diuana ni milongi i ua-nda di longa.”
9. Mukonda diahi ki tu tokala ku bhuila, se muthu ka mesena ku di longa o Bibidia?
9 Jihova u tonginina o mixima ia athu oso. (1 Sam. 16:7; Jisa. 21:2) Muéne u zukama kua ió, a mesena ku mu bheza ni muxima umoxi ni kidi kioso. (Nzu. 6:44) O athu enhá nuka a di longele mak’a alungu ni Nzambi, mba kuijiia o milongi ia Bibidia. O ukunji uetu u kuatekesa o athu enhá n’a “bhuluke, eze mu kuijiia o kidi.” (1 Tim. 2:4) Né muene se mu dimatekenu, o athu ka mesena ku di longa o Bibidia, kana ku bhuila! Longa ni madivulu ala mu dízui diê dia uvualukilu, phala kua kuatekesa. Mu ku bhita kithangana, o kuila u tena ku longa mu divulu di tuene mu longa o athu oso, Mu Kidi Ihi i Longa o Bibidia?
[Kaxa ku mbandu 4]
Se o mukua dibhata u zuela kuila ki kuene Nzambi:
• Mu ibhudise: “O kuila uene mu banza kiá kiki tundé ukulu?” ejiia se mukonda diahi.
• Se o muthu Budista, mu londekese o kadivulu Como Ter Verdadeira Paz e Felicidade, mu jimbandu 9-12.
• Se muene u xikina kuila o ima ia moneka ngó, mu londekese o madivulu enhá:
Despertai! mu mbandu iambe “Teve Um Projeto?”
O vidiu, As Maravilhas da Criação Revelam a Glória de Deus
O tudivulu Como Ter uma Vida Satisfatória, mu mbandu ia 4; A Vida—Teve um Criador? A Origem da Vida—Cinco Perguntas Que Merecem Resposta
• Se muene ka kixikina kuma kuene Nzambi, mukonda dia ku iibha ni hadi, mu londekese o madivulu enhá, phala ku mu kuatekesa:
O kibatulu kia 10 kia divulu Existe um Criador Que Se Importa com Você?
O kibatulu kia 6, ka kadivulu, Importa-se Deus Realmente Conosco? Ni mbandu ia 6, ia kadivulu, Qual É o Objetivo da Vida?
• Mu ku bhita kithangana, mu londekese o divulu Bibidia i Longa, se o mukua dibhata u xikina ni muxima uoso, muéne ua-nda mona kuila kuene muene Nzambi. Kima kiambote ku mateka ni muéne o kibatulu kia 2, mba maka amukuá.
[Kaxa ku mbandu 5]
Se o mukua dibhata ka xikina mu Bibidia bhanga kiki:
• Tanga o ibatulu 17 ni 18 ia divulu A Vida—Qual a Sua Origem? A Evolução ou a Criação?
• Phala o ji Hindus longa ni kadivulu, Por Que Devemos Adorar a Deus com Amor e Verdade?
• Phala o ji Judé, longa ni kadivulu Haverá Algum Dia um Mundo sem Guerra? mu jimbandu 3-11.
• Zuela ia lungu ni mbote ijila mu ku belesela o milongi ia Bibidia. Longa ni madivulu enhá, phala kulondekesa o valolo ia ku belesela o milongi ia Bibidia:
Despertai! mbandu iamba “Ajuda para a Familia”
Vidiu A Bíblia: O Poder Dela na Sua Vida
Tudivulu, Njimbu Iambote ia Nzambi! disá 9 ni 11; Um Livro Para Todas as Pessoas, mu jimbandu ja 22-26; ni Como Ter uma Vida Satisfatória, disá 2
Phala o ji Budista, longa ni kadivulu, O Caminho para a Paz e Felicidade, mu jimbandu 3-7.
Phala o ji Muçulmanos, longa ni kadivulu Verdadeira Fé—O segredo de uma Vida Feliz, mbandu ia 3.
Se bhu kididi bhu uene mu boka, o athu ka xikina o Bibidia, ki kima kiambote ku tanga o Bibidia mu kizuua kia dianga kia kua kunda, maji kima kiambote ku a kunda veji javulu.
• Jimbulula kiebhi o ikanenu ia Bibidia ia di kumbidila. U tena ku longa ni madivulu enhá:
O vidiu A Bíblia: História Exata, Profecias Confiáveis
O kadivulu Um Livro Para Todas as Pessoas, mu jimbandu 27-29
• Mu ku bhita kithangana mu londekese o divulu Bibidia i Longa, se muthu u bhanga ibhuidisu ia lungu ni milongi ia Bibidia.
[Kaxa ku mbandu 6]
Se o mukua dibhata uzuela: “Ki ngi xikina kuila kuene Nzambi,” mu ibhule:
• “O kuila ngi tena ku ku jimbuluila se mukonda diahi eme nga xikina kuila kuene Mubhangi?” Se u xikina, mu londekese o divulu Raciocínios mu jimbandu 94-98, mba bakana ni muthu phala ku mu bhekela o divulu di ua uabhela dingi o ku tanga.
• “Se Nzambi muthu ua kidi, ídifua iebhi i ueji uabhela kua Nzambi?” Athu avulu a tambuijila kuila a uabhela Nzambi mukuá henda, u fundisa kiambote, mukuá ku lenduka, kene ni kathombo. Mu londekese mu Bibidia n’e ejiie kuila Nzambi ia kidi, uala ni ídifua íii. (Se ki bhana, kima kiambote ku di longa o kibatulu 1, mu divulu Bibidia i Longa, ni ku mateka mu kaxi 6.)
Se o mukua dibhata u zuela: “Ki ngi xikina mu Bibidia,” u mu tangela kuma:
• Saí athu avulu a banza kála eie. A mukuá a banza kuila o Bibidia ki divulu di longa o kidi mba o milongi ia Bibidia ki i kuatekesa ku muenhu. O kuila ua tangele kiá o Bibidia? [Ehela o muthu n’a tambuijile. Londekesa o kadivulu Um Livro Para Todas as Pessoas, tanga o milongi iala mu kibatulu kia 3, mu bhane o kadivulu.] Athu avulu ene mu dituna o milongi ia Bibidia, mukonda o jingeleja jene mu lungulula o ilongesu ia Bibidia. Mu kizuua kia mukuá, nga mesena ku jimbuluila o milongi iala mu jimbandu 4 ni 5.”
•“Saí athu avulu a banza kála eie. O kuila ngi tena ku londekesa o milongi i nga uabhela dingi mu Bibidia? [Tanga Jobe 26:7; Izaia 40:22, ni u mu londekese kuila, o Bibidia i longa o kidi.] Mu Bibidia tu sanga-mu ué milongi i kuatekesa o miji. Mu kizuua kia mukuá nga-nda kulondekesa kifika kia mukuá.”
• Nga sakidila mu ku ngi tangela o maka enhá. Se Nzambi ua sonekene divulu phala o athu, mudiê milongi iahi ieji kala mu divulu dia Nzambi?” Londekesa mu Bibidia o milongi ia lungu ni kitambuijilu kia muthu.