Ifika ia Bhebhuluka

Mateka o ku Longa o Bibidia mu Sábhalu ia Dianga mu Mbeji ia Kaiiadi

“Tua mu kunda o miji mu mbambe ietu. Jitata javulu a mesena kuila, o tuana tuâ a zola Nzambi. Mudiê, o kuila o jitata a tena ku longa o tuana inga o tuana a tokala ku di longa ku zola Nzambi ubheka uâ?” Ehela o muthu n’a tambuijile. Bhana o Mulangidi ua 1 ua mbeji ia Kaiiadi, muidikise o mbandu ia sukina muala o maka enhá, tanga o kibhuidisu kia dianga, tanga kibatulu kimoxi kia Bibidia. Bhana o Mulangidi ku mukuá dibhata, u zuele o kizuua ki ua-nda vutuka, phala ku mu longa o kibhuidisu kia kaiela.

O Mulangidi 1 ua Kamoxi

“Tua mu zuela ni athu, maka alungu ni Nzambi. Tuejiia kuila muthu ni muthu uala ni ibanzelu iê, ia lungu ni Nzambi. Mudiê, o kuila athu oso a banza kuila, Nzambi ki muthu ua kidi inga dikamba, u suua muthu ni muthu? [Ehela o muthu n’a tambuijile.] O velusu íii ia Bibidia, i tu jimbulula se ukamba uahi ua mesena Nzambi n’etu. [Tanga Tiiaku 4:8a.] O mulangidi iú, u jimbulula pondo jitatu ji tua tokala o ku bhanga, phala ku kala ni ukamba ni Nzambi.”

Despertai! Kamoxi

“Tua mu kunda o athu, mukonda athu oso a thandanganha ni mauhaxi. O kibuka kia Organização Mundial da Saúde, ki zuela kuila, mu kiuana kia athu, ki ku kambe muthu ua-nda kata o uhaxi ua masabisambi ni kikote. O kuila lelu, kuene athu avulu ni uhaxi iú? [Ehela o muthu n’a tambuijile.] O Bibidia i bhana kidielelu kuila, ku hádia o athu ka-nda kala dingi ni uhaxi ni ndolo. [Tanga Dijingunuinu 21:3, 4.] O Despertai! didi, di zuela maka alungu ni uhaxi iú, u tua tokala kuijiia.