‘Ande pela Fé, Não pela Vista’
Ande dia ku kondoloka ni kubuika Jeluzaleme, poxolo Phaulu ua sonekene kuila o Jikidistá masoladi a Kristu, a tokalele kukingila kubhita mu ibhidi, ka tokalele kuthandanganha ni jimbote mba ni muenhu uâ. (2 Tim. 2:3, 4) Ni kibuikilu kia-nda kuíza ku mundu iú uaiibha, tua tokala kukolesa o kixikanu, phala kusuua mbambe. (2 Kol. 4:18; 5:7) Tala o vidiu, ‘Ande pela Fé, Não pela Vista.’ (Ndé mu jw.org, tala mu mbandu PUBLICAÇÕES mu mbandu iambe > VÍDEOS.) Tala kiebhi o kukaiela o jimbote, ja bhangesa Naum ni Rebeca ku a kuata ku mubhetu. Bhitulula o ibhuidisu i kaiela.
(1) ‘Kisunji kiahi ki buikisa mundu . . . kiemanene bhu kididi kikôla,’ ku hama ia dianga ni ima iahi ia tokalalele kubhanga o Jikidistá a tungile mu Jeluzaleme? (Mat. 24:15, 16) (2) Mukonda diahi phala kuxisa o mbanza, kua bhingile kukala ni kixikanu? (3) Phala kulenga kua bhingile kubhanga ihi? (4) Mukonda diahi Naum ni Rebeca, a lalekele? (Mat. 24:17, 18) (5) Kiebhi o kixikanu kia Raquel, a ki polovala? (Mat. 10:34-37; Mar. 10:29, 30) (6) Kiebhi Etã kia xisa phangu ia kixikanu ni kudielela kua Jihova? (7) Ibhidi iahi ia dibhanene na-iu o Jikidistá mu mbanza ia Pella? (8) Kiebhi o kixikanu kia Naum ni Rebeca, kia mateka kuzoza bhofele-bhofele? (9) Kiebhi Jihova kia lange o Jikidistá, a tungile mu mbanza ia Pella? (Mat. 6:33; 1 Tim. 6:6-8) (10) Kiebhi ki tu tena kukaiela o phangu ia Sala ni Mbalahamu, mu disukilu dia mundu iú? (Jihe. 11:8-10) (11) Mukonda diahi Naum ni Rebeca, a banzele kuvutuka mu Jeluzaleme ni ibanzelu iahi iaiibha iexile na-iu? (Luka 21:21) (12) Kiebhi kiexile Jeluzaleme, kioso kia vutuka Naum ni Rebeca? (13) Mukonda diahi tua tokala kukolesa o kixikanu kietu lelu—ande dia kuíza o kibuikilu kia mundu iú?—Luka 17:31, 32; 21:34-36.
Kukala ni kixikanu kilombolola (1) kudielela mu itendelesu ia Jihova, (2) kuehela kuila muéne u tuendesa (3) kulondekesa kuila, tu bhana valolo ku ujitu uetu, o jimbote ndenge. Tua tokala kukolokota kuenda mu kixikanu ni kudielela kuila ‘o mundu-phe ua mu bhita ni ima iê ioso. Maji uoso-phe u bhanga o vondadi ia Nzambi, muéne u nangenena.’—1 Nzu. 2:17.