WENDELU WA UKIDISTÁ
Yônge Yamakota—Itubhana Kithangana Phala Kulondekesa o Henda Yetu
Mukonda dyahi twa wabhela kyavulu oyônge yetu yamakota? Kala ojifesa ja akwa Izalayele mukulu, oyônge yamakota itubhana kithangana kyakubheza Jihova kumoxi ni jihama mba jimidi jajiphange. Etu twawabhela kyavulu okudya munzumbi kutwene mutambula mu ithangana yiyi. Twawabhela we okukala kumoxi ni jindandu ni makamba m’etu. Phala kulondekesa okisakidilu kyetu kwa Jihova mu ujitu yú, twene mubhanga yoso phala kukala mu izuwa itatu yayônge yiyi.
Kyoso kitudyôngeka ni jiphange jetu, kitutokala kudibanza ngó etu, twatokala kulondekesa henda kwa akwetu. (Ng 6:10; Jih 10:24, 25) Tulondekesa kwila twamusota kuta ombote yakwetu kupholo, kyoso kitukwata odibhitu phala phange yadiyala mba yamuhatu kubhita mba kubhaka ngó o ididi yakuxikama itwabhindamena. (Fi 2:3, 4) Oyônge yamakota itubhana kithangana phala kubhanga makamba a ubhe. Ande dya kyônge kumateka, mu ola yakunyoha mba kudisukilu, utena kukala ni mbambe yakudizwelesa ni muthu ki umujiya luwa. (2Ko 6:13) O makamba utubhanga mu ithangana yiyi, atena kunangenena katé kuhádya ni hádya! Kumbandu yamukwa, oyó ki Jimbangi ja Jihova, kyoso kyamona ohenda yakidi itudilondekesa mudyetu, kiki kitena kwabhangesa kumesena kusidivila we Jihova.—Nz 13:35.
TALA OVIDYU, “O HENDA KI YA KÁ BHWA”! YÔNGE YAMAKOTA PHALA JIXI JAVULU, MUKUSULUKA TAMBWIJILA O IBHWIDISU YAKAYELA:
Kyebhi ojiphange kyalondekesa henda kujiphange jajixi jengi endele muyônge yamakota phala jixi javulu kumuvu wa 2019?
Mukonda dyahi ohenda ni kudibunda kumoxi kwamundu wa Jihova kudimonekena?
Ihi yazwela ojiphange jatokala ku Kibuka kya Utuminu, yalungu ni henda idilondekesa o Jikidistá?
Kyebhi ki utena kulondekesa ohenda yé muyônge yetu yamakota?
Ohenda yôngeka kyebhi ojiphange jetu ku Alemanha ni ku Coreia do Sul?
Ihi itwatokala kusola okubhanga?