Eye Wene Musota O Itambwiijilu ya Misambu yé?

Mu Bibidya mwala phangu ya misambu yavulu yotambwijile kwa Jihova. Kyoso o jiselevende Nzambi kyamo kyebhi Jihova kyevu o ibhindamu yá ni kwa akwatekesa, kiki kyakolesa dingi o kixikanu kyá. Kyenyiki, kima kyambote kutumbula o kima kitwamesena mu misambu yetu. Mu kusuluka twatokala kusota wijiya kyebhi Jihova kyandatambwijila o misambu yetu. Lembalala kwila o itambwijilu ya misambu yetu atena ku itambwijila mu ukexilu wengi, kana kala kitwabhingi, mba mu ukexilu kitwa ufikidile. (2Ko 12:7-9; Ef 3:20) Itambwijilu yebhi itena kutubhana Jihova?

• Phala kudibhana kyambote ni maka ku mwenyu twabhingi kukala ni nguzu ni kukala kyambote mu nzumbi.—Fi 4:13

• O ujimu utubhangesa kusola kyambote.—Tiy 1:5

• O vondadi ni kutena kutubhangesa kubhanga kima.—Fi 2:13

• Kutululuka kyoso kitukala ni hele.—Fi 4:6, 7

• Akamukwa atukwatekesa ni ima itwabhindamena mba atukulokotesa ni kutuswinisa.—1Nz 3:17, 18

• Kikwatekesu phala o athu utwatumbula mu misambu yetu.—Ik 12:5, 11

TALA OVIDYU JIHOVA MUKWA ‘KWIVWA O MUSAMBU,’ MUKUSULUKA TAMBWIJILA O IBHWIDISU YAKAYELA:

• Kyebhi o phangu ya Phange Shimizu kitena kutuswinisa se kitwamutena ingi kubhanga o ima kala kitwamesena mukonda dya uhaxi?

• Kyebhi kitutena kukayela o phangu ya phange Shimizu?