‘Diswinisyenu mu Nzumbi’

Etu enyoso tusanguluka kyoso kyatuswinisa ku jiphange jetu. O Bibidya itutangela ‘phala kudiswinisa mu nzumbi, ni tukale ni kixikanu kya kolo.’ (Lom. 1:​11, 12) Kyebhi kitutena kubhanga kiki?

Swinisa o jiphange ni izwelu yé. Mu kutambwijila mu yonge, kana kuzwela kyavulu yalungu n’eye. Mu veji dya kiki twatokala kuzwela o ima itwadilongo yalungu ni Jihova, ni jiselevende jê ni ima itwadilongo mu Bibidya. Kyoso kitukala ni jiphange jetu, twatokala kuzwela ima yanda swinisa o kixikanu kyâ ni kixikanu kyetu.

Swinisa o jiphange bhu kaxi ka ibhangelu yé. Sayi jiphange ene mubhanga nguzu yavulu phala kusuluka mu sidivisu ya thembu yoso sumbala ni ibhidi. Amukwa abhana phangu yambote mu kukala mu yonge yoso sumbala ni jindolo mba ni kutohoka mukonda dya kikalakalu kya kizuwa ni kizuwa. Se wamudibhana we ni maka enya, sumbala kwa mukubhonza kyavulu, o phangu yé itena kuswinisa o jiphange.

O kwila eye wamuswinisa akwenu bhu kaxi ka izwelu yé ni bhukaxi ka ibhangelu yé? O kwila wene mubhana matwi ku kiswinisu kyene mukubhana o jiphange bhukaxi ka izwelu yâ? O kwila wene mumona o kiswinisu kyene mukubhana o jiphange bhukaxi ka ibhangelu yâ?