Ihi Yamba o Bibidya Yalungu ni Kubheza Iteka?

Mu kizuwa kya 25 ya mbeji ya Katanu ka 2022, mu mbanza ya Basília São Pedro kwabhiti misa, o Papa Francisco wemana kupholo ya kiteka kya Madiya, yu wasambela o kiteka kyenyiki. Mwene wabhetama o mutwe, wajika o mesu, yu wasambe kumuxima. Mwene “wadyondela Madiya” wamubhingi paze. Kyene kyambe o minangu ya Katolika. Sayi dingi minangu yatundu mu sayite ya Vatican News yateku dingi, kifwa, o papa wasambela “ku Muxima Wayuka wa Madiya phala kuxikinisa ni kudyelelesa o athu, bengebenge akwa Rússia ni akwa Ucrânia.”

Ihi i ubanza? O kwila twatokala mwene kusambela ku kiteka mba kukibheza? Tala o jivelusu ja Bibidya jala kulwiji:

• “Kana ku di yudikila kiteka kyósonge, né kidifwanganu kyoso kya kima kyala mu dyulu ku thandu, mba mu ngongo bhoxi, mba mu menya k’oxi a mavu. Kana ku i fukamena, kana ku i bheza; kuma eme Jihova, Nzambi yé, ng’ene ngi Nzambi ya difuba.”—Makatukilu 20:4, 5. 5.a

• “Iteka ya ene phalata ni ulu, ima ya kalakala athu ku maku. Ikala ni makunu, maji i kamba kuzwela; mesu sayi, maji ki i tena kumona. Ikala ni mátwi, maji i kamba kwívwa; mazulu sayi, maji ki i tena kwívwa dizumba; Ikala ni maku, maji ki i kwata kimbamba; inama sayi, maji ki i tena kwenda; mba bhu xingu yâ bhu tunda ngó dízwi dyoso-dyoso, lémbwa! Ki kala o iteka yene, ki kala oso a i bhanga; ki kala we ene oso a i dyelela.”—Jisálamu 115:4-8.

• “Eme ngi Jihova, didi dyene o dijina dyami; o fuma yami ki ngi i bhana muthu wengi, kana, mba o diximanu dya ngi tokala ngi di ehela ku iteka ya kusonga.”—Izaya 42:8.

• “Lengenu o ubhezelu wa iteka.”—1 Kolindu 10:14.

• “Lengenu o iteka.”—1 Nzwá 5:21.

Phala kwijiya dingi ihi izwela o Bibidya yalungu ni kubheza o iteka tala o milongi ni dyambu “O Conceito Da Bíblia: Imagens” mba tala o vidyu O Kwila Nzambi Uxikina Kumubheza ni Iteka?

O kyamukwa we eye utena kuwabhela kyavulu kwijiya ihi yamba o Bibidya yalungu ni milongi yiyi:

• “O que a Bíblia ensina sobre a virgem Maria?”

• “Deve-se orar à Virgem Maria?”

• “Milagres e Aparições — sinais de Deus?”

• “Como haverá paz na Terra?”

Photo credit: Vincenzo Pinto/AFP via Getty Images