Tundé ku Dilúvio Katé mu u Bhulukilu ku Ijitu

Dinake dia athu ngó a subhukile ku Dilúvio, maji ene a dimendalele mu midi ia jimidi. Bhenhobho, 352 ia mivu kioso kia bhiti o Dilúvio, Mbalahamu a mu vuala. Tua-nda kuijiia kiebhi Nzambi kia kumbidila o kikanenu kiê, kia ku bhana o mona kua Mbalahamu, a mu ixanene Izake. Kienhiki, mu kaxaxi ka ana kiiadi a Izake, Nzambi ua solo-bho Jakobo.

Jakobo uakexile ni muiji uonene, 12 kia ana-mala ni ana-ahatu. O 10 dia an’â Jakobo a zembele phangi’ê ia ndenge Zuze, kienhiki a mu sumbisile kála mubhika ku Ijitu. Zuze a mu bhange muthu uonene mu Ijitu. Kioso kia bhixila o thembu ia nzala iavulu, Zuze ua polovala o jiphange jê phala kuijiia se ene a xisa kiá o mixima iaiibha. Mu kusukáko Jakobo ni muiji’ê uoso akua Izalaiele, ai mu tunga ku Ijitu. Kiki kia bhitile mu 290 a mivu kia vuala Mbalahamu.

Mu 215 ia mivu, akua Izalaiele a tungile mu Ijitu. Kienhiki, kioso kiafú Zuze, ene a a bhange abhika. Mu ku bhita thembu, Mozé a mu vuala, Nzambi ua mu tumikisa phala ku bhulula akua Izalaiele ku Ijitu. Mu kienhiki, o Kibatu kia KAIIADI kia tena 857 dia mivu ia musoso.