Muimbu 17
Ndenu ku Pholo, Jimbangi!
1. Suína mu izuua i sukidila,
O mundu ua Nzambi ua mu tul’o njimbu.
Diabhu ka tena kua fidisa,
Mukonda Nzambi iâ ua langidila.
(KOLO)
Enu Jimbangi jami, ndenu ku pholo!
Zediue-nu mu kikalakalu kiami!
Boke-n’o mundu, palaízu i iza
Jihova ua-nda mi zediuisa.
2. O masoladi a Jihova Nzambi;
A ditun’o mundu n’ijijidiku iê.
A suína mu kixikanu kiâ,
A zokel’o ku zela kuâ, mu nzumbi.
(KOLO)
Enu Jimbangi jami, ndenu ku pholo!
Zediue-nu mu kikalakalu kiami!
Boke-n’o mundu, palaízu i iza
Jihova ua-nda mi zediuisa.
3. Athu a dituna Ungana ua Nzambi
Dijina dikôla a mu di xidisa.
Maji tua-nda ku di zelesa,
Ni ku di tula ku athu mu ngongo.
(KOLO)
Enu Jimbangi jami, ndenu ku pholo!
Zediue-nu mu kikalakalu kiami!
Boke-n’o mundu, palaízu i iza
Jihova ua-nda mi zediuisa.
(Tanga ué o divulu, Fil. 1:7; 2 Tim. 2:3, 4; Tiia. 1:27.)