Banza mu Kikoué!

1. O maxilu a-nda kuívua.

Ifôfo a-nda kemba ué,

Mu ku mona o ithulu

A-nda divua ué kiambote,

O inema ia-nda kuenda

O athu ka-nda fuá dingi,

Nanhi ua-nda ku i mona?

Ió a banza mu kikoué;

2. O mabubu a-nda zuela

Athu ka-nda kuka dingi

Ixi ia-nda iuka muene

Kua-nda kala ima iobhe,

Ana-ndenge a-nda kemba

Ku kala ku tululuka,

U mon’o ku fukunuka

Ió a banza mu kikoué.

3. O imbungu ni tumbudi,

A-nda di bhana kiambote,

Kambonga ua-nda kua langa,

A-nda kuívua o dízui diê

Ki kua-nda kala masoxi;

O mukôndo ni malamba,

Nzambi ua-nda besoala

Ió a banza mu kikoué!