Kiebhi ki tu Tena Kulanga o Kididi Kietu kia Ubhezelu?

O Ididi ioso ia Ubhezelu ia Jimbangi ja Jihova, iambata o dijina dikola dia Nzambi. O kuzelesa o kididi kiki ni ku ki iudika kiambote, ujitu ua dikota, kima kia bhingi ku ubhezelu uetu. Athu mu kilunga ene oso a tena kukuatekesa.

Oso a mesena, a zelesa o kididi, ande dia ku mateka o kiônge ni kioso ki bhua o kiônge. Kioso ki bhua o kiônge, o jiphange a xixila o Kididi kia Ubhezelu. Veji imoxi ku semana a xixila mu jimbandu joso ja kididi kia ubhezelu. Kafunga mba múkuatekexi ua tufunga, u kala kupholo mu sidivisu íii, muéne uejiia kiá o kikalakalu kia tokala o kubhanga. Se kua bhingi, o jiphange a komba, a sondola o ialu, a xixila o inzo ia dixidixilu, a komba bhu kanga ni ku iudika o jaludim. Mu kizuua kimoxi ku muvu, a xixila o Kididi kioso kia Ubhezelu. O tuana tuetu a kuatekesa mu kuzelesa o kididi, tu a longa o kuzelesa o Kididi kia Ubhezelu.​—⁠Ndongixi 5:1.

Kuatekesa kioso ki kubhinga ku iudika kima. Mivu ioso, o jiphange a tonginina kiebhi kia mu langa o kididi kiki, moxi ni bhu kanga. Se a mona kuila kua bhingi ku iudika kima, o jiphange a ki iudika, phala ki ku bhinge kitadi kiavulu phala ku ki iudika. (2 Malunda 24:13; 34:10) O kididi kia zele, kididi kia tokala mu tu bheza o Nzambi ietu. O kukuatekesa kuzelesa o kididi, tu londekesa kuila Jihova kamba dietu, ni kuila, tua zolo o kididi kiki. (Jisálamu 122:1) Ki bhana Umbangi mu diembu dietu.​—⁠2 Kolindo 6:3.

• Mukonda diahi ki tu tokala kulanduka o kididi kietu kia kubheza?

• Ihi ia tokala kubhanga phala kuzelesa o Kididi kia Ubhezelu?