MILONGI YA 1

Kusola Kyambote o Izwelu Phala Kumateka

Ikalakalu 17:22

IHI I WA TOKALA O KUBHANGA?: O izuwelu yé ya dyanga, ya tokala kubhangesa o jingivwidi jé kukala ni vondadi ya kwívwa o milongi, ya tokala kwa ejidisa o maka u wa-nda zwela ku pholo, ni kulondekesa se mukonda dyahi a tokala ku a bhana valolo.

KYEBHI KI WA TOKALA O KUBHANGA?:

Kwatekesa o jingivwidi kukala ni hanji ya kwivwa. Sola kibhwidisu, sabhu mba diba, musoso wa bhiti ni muthu, mba minangu, i wejiya kwila, o jingivwidi jé a-nda i wabhela.

Ande dya kubhanga o diskulusu, xinganeka kyambote mu maka a wabhela o jingivwidi jé, ni ibhidi yene mu dibhana na-yu. Sokesa o i izwelu yé ya dyanga phala ni i bhixila kyambote ku mixima ya jingivwidi jé.
Kwatekesa o jingivwidi kwijiya o maka u wa-nda zwela. Bhanga yoso phala kulondekesa o njimbu ni disukilu dya maka ku jingivwidi jé, mu ukexilu wa bhebhuluka.
Londekesa o valolo ya maka u wa mu zwela. O izwelu yé ya tokala i lunga ni ibhindamu ya jingivwidi jé. Ene a tokala kutendela kwila, o maka u wa mu zwela a tena ku a kwatekesa ku mwenyu.

Kyoso ki uya ni kupelepalala diskulusu, wa tokala kudibhwidisa: ‘Maka ebhi a mu dibhana na-u o jiphange mu kilunga kyami?’ Mu kusuluka, sola o izwelu yé ya dyanga, phala i lunge ni ibhidi ya mu dibhana na-yu o jingivwidi jé.