MILONGI YA 12

Kuzwela ni Kilendu Kala wa mu Kwivwa o Ndolo ya Akwenu

1 Tesalonika 2:7, 8

IHI I WA TOKALA O KUBHANGA?: Zwela ni kilendu, londekesa o henda yé, ni kwila wa bhindamena o mbote ya jingivwidi jé.

Xinganeka o jingivwidi jé. Pelepalala o muxima wé, mu ku dilembalesa o ibhidi mba malamba ene mu dibhana na-u. Sota kuxinganeka kyebhi kya mu dívwa.
Sola kyambote o izwelu yé. Sota kutululukisa o muxima, kuximbakatesa ni kubhana nguzu ku jingivwidi jé. Kana kutumbula maba a xinga o jingivwidi jé. Kana kuzwela kyayibha kwa yó ka mu bheza Jihova, mba kusebhulula o ixikanu yá.
Londekesa kwila wa mesena o mbote yâ, ni kidi kyoso. Ni ka dízwi ka henda, ni kubhanga ijimbwete ni maku, londekesa ku jingivwidi jé kwila, wa mesena o mbote yá, wejiya o ibhindamu yá. Langa o ukexilu wa pholo yé, uya jinga ni kwolela-ku bhofele.

Kana kuzwela wila wa mu bhanga dalama. Mu kutanga, o dizwi dyé dya tokala kukayela o izwelu i wa mu tanga. Maji kana kudisotela fuma. Kuma ku di kwatenena kyavulu ku isoneku ya jikonsowante ku tena ku kubhangesa kuzanga o diskulusu, dikwatenene ku isoneku ya jivogaxi, phala kuzwela kyambote, sé kubabajala.