MILONGI YA 14

Kubhitulula o Jipondo ja Beta Kota

Jihebelewu 8:1

IHI I WA TOKALA O KUBHANGA?: Wa tokala kukwatekesa o jingivwidi jé ku kukayela tundé ku dimatekenu ndú ku disukilu. Bhanga yoso phala kujimbulula kyebhi o jipondo ja lungu ni dyambu dya diskulusu ni disukilu dyé.

KYEBHI KI WA TOKALA O KUBHANGA?:

Sola o disukilu dyé. Tonginina se o diskulusu dyé phala kulonga, kuxikinisa mba kuswinisa o jingivwidi jé. Sokejeka o diskulusu dyé ni kixinganeku kya kubhixidisa o maka ku mixima ya athu. Bhanga yoso phala kubhixila bhu disukilu dya diskulusu dyé, kala ki wa tonginina.

Dibhwidise: ‘Ibhwidisu mba phata yahi ya-nda kala nayu o jingivwidi kyoso kya-nda kwivwa o maka yá? Kyebhi kya-nda moneka o ibhwidisu mba o jiphata jiji?’ Mu kusuluka, sokejeka o jipondo jé mu ukexilu u kwatekesa o jingivwidi jé ku kukayela, kutendela ni kuxikina o milongi i wa mu bhana.
Bhitulula o dyambu dya Diskulusu dyé. Tumbula jinga o dyambu tundé ku dimatekenu katé ku disukilu, mu kubhitulula o jipondo ja beta kota.
Kubhebhulukisa ni kujimbulula kyambote o jipondo ja beta kota. Sola ngó o jipondo ja beta kota, ja lungu ni dyambu dyé, ji u tena kulonga mu kithangana kya kubhana. Kana kuvudisa o jipondo já beta kota, jimbulula-ju kyambote, wa tokala u palala bhofele kyoso ki u zubha pondo, kyene kyuwa ki u somboka mu pondo yengi, ki kwa bhingi kulenga mu kubhita mu pondo yengi ya beta kota.

U tena kutumbula o jipondo ja beta kota ku dimatekenu dya mbandu yé phala kukwatekesa o jingivwidi jé n’a kukayela; mba u tena ku jibhitulula ku disukilu dya diskulusu phala ene n’a ji bhake ku muxima.