DISÁ 25
Ihi ya Mesena Nzambi Phala Etu?
O Bibidya yamba kwila o muthu ‘kene mu nanga kumwenyu yú wavulu o malamba.’ (Jobe 14:1) O kwila yu wene o mwenyu wamesenene Nzambi phala etu? Ihi ya mesenene Nzambi mu kubhanga o athu? O kwila o kikanenu kiki kyandadikumbidila kuhádya? Wandawabhela kwijiya o itambwijilu ya Bibidya.
1. Mwenyu webhi wamesenene Jihova phala etu?
Jihova wamesena kwila tukala ni mwenyu wambote. Kyoso kya bhange o ixi mwene wate o dikaza dya dyanga Adá ni Eva, mu palayízu a exanene njaludim ya Edene. Mu kusuluka “Nzambi anga u a tula o kizediwise, wixi: ‘Vwalenu, mu sokoloke, mu izalese ixi yoso, mu i tolole.’” (Dimatekenu 1:28) Jihova wamesenene kwila ene avwala twana, abhangesa o ixi kukituka palayízu, ni kulanga o yama. Mwene wamesenene kwila athu oso akala ni sawidi yambote ni mwenyu wakalelaku.
Mu kidi o ima ki itundu kala kya mesenene Nzambi,a maji o vondadi yê ki ilunguluka. (Izaya 46:10, 11) Nzambi wamesena hanji kwila, o athu amubelesela akala ni mwenyu wayuka, wakalelaku mu maukexilu oso.—Tanga Dijingunwinu 21:3, 4.
2. Kyebhi kitutena kusanguluka kumwenyu né mwene kindala?
Jihova wabhange o athu ni kibhindamu kya ‘kwivwa o mak’â Nzambi anga amalunda’ mu kiki tutena kumwijiya ni kumubheza. (Tanga Luka 11:28.) Mwene wamesena kwila eye ukala ni ukamba wambote ni mwene, “wenda mu ikoka yê, u mu zola,” anga umusidivila “ni muxima we woso.” (Matendelelu 10:12; Jisálamu 25:14) Se tubhanga kiki, twandakala ni kusanguluka kwa kidi né mwene kyoso kitwamudibhana ni maka. Kubheza Jihova kutusangulukisa dingi.
DILONGE DINGI
Dilonge dingi ya lungu ni henda ya londekesa Jihova mu kubhanga o ixi phala etu, dilonge ihi ilonga o Bibidya ya lungu ni mukonda dyahi twala kumwenyu.
3. Jihova wamesena kwila o athu akala ni mwenyu wambote
Tala OVIDYU, mukusuluka bhanga o kibhwidisu kya kayela.
Mukonda dyahi Nzambi wabhange o ixi?
O Bibidya yamba kwila Jihova “wate ku mixima ya athu o vondadi ya kukala ni mwenyu wakalelaku.” (Ndongixi 3:11, nwt). Mukusuluka bhanga o kibhwidisu kya kayela:
Kala kilondekesa o velusu yiyi, ihi iwadilongo ya lungu ni vondadi ya Jihova phala etu?
4. O kima kya mesenene Jihova phala etu ki kilunguluka
Tanga Jisálamu 37:11, 29 ni Izaya 55:11, mukusuluka bhanga o kibhwidisu kya kayela:
Kyebhi kitwejiya kwila o vondadi ya Jihova phala etu ki ilunguluka?
O inzo ka mu ilanga kyambote atena ku itungulula dingi. Kyene kimoxi we ni ixi, ka mu ilanga kyambote ku athu, maji Nzambi wanda iyudika dingi phala yó amuzolo
5. Kubheza Jihova kubhana valolo ya dikota kumwenyu wetu
Kwijiya se mukonda dyahi twala kumwenyu kutena kutusangulukisa. Tala OVIDYU, mukusuluka bhanga o kibhwidisu kya kayela.
Kyebhi o mwenyu wa Terumi walunguluka kyoso kya dilongo se mukonda dyahi wala kumwenyu?
Tanga Ndongixi 12:13, mukusuluka bhanga o kibhwidisu kya kayela:
Jihova wabhange ima yavulu phala etu. Ihi we itwatokala o kubhanga phala mwene?
NANGE SAYI MUTHU WIBHULA: “Mukonda dyahi twala kumwenyu?”
Kyebhi kiweji tambwijila?
IHI IWADILONGO
Jihova wamesena kwila tukala ni mwenyu wakalelaku mu maukexilu oso katé kuhádya ni hádya mu ixi. Kyoso kitumubheza ni muxima woso, tutena kusanguluka kumwenyu né mwene kindala.
Kubhitulula
Ihi ya mesenene Jihova phala Adá ni Eva?
Kyebhi kitwejiya kwila o vondadi ya Nzambi phala o athu ki ilunguluka?
Kyebhi o mwenyu we utena kukala dingi ni valolo?
TOKWESA DINGI
Dilonge phala kwijiya se mukonda dyahi tutena kuxikina kwila o njaludim ya Edene yexile mwene mu ixi.
“O Kuila ku Dimatekenu o Edene Iexile Muene o Dibhata Dia Athu?” (O Mulangidi, 1 wa Katatu wa 2011)
Ijiya se mukonda dyahi o ixi yandanangenena katé kuhádya ni hádya.
Tokwesa dingi ni umone ihi izwela o Bibidya ya lungu ni mukonda dyahi twala kumwenyu.
Nzwá wabanzele kwila wexile ni ima yoso kumwenyu. Tala kyebhi mwene kyeza mu kwijiya kwila kwamukambele kima kumwenyu wê.
a Mu disá dya kayela, twandamona se mukonda dyahi o mwenyu wetu ki udifu ni yo wamesenene Nzambi kudimatekenu.