Kukwatela Henda

Kitumu: “Sangulukenu kumoxi ni yó asanguluka. Dilenu kumoxi ni yó adila.”—Lom. 12:15.

Ihi Yabhange Jezú

Jezú ni maxibulu mê amukwendela mu ulungu, amuya kwala o mundu wamu akingila, emana bhu mbandu ya musanza.

VIDYU: Jezú Wakwatela Henda ya Mundu

1. Tala o VIDYU, mba tanga Máluku 6:30-34. Mukusuluka xinganeka ku ibhwidisu yiyi:

Mukonda dyahi Jezú kumoxi ni jipoxolo jê amesenene “kukala ubheka”?
Ihi yabhangesa Jezú kulonga o mundu?

Kima Kyahi Kitulonga o Phangu ya Jezú?

2. Kidi, twamesena kutula o njimbu yambote ku athu maji twamesena we ku akwatekesa.

Kayela Jezú

3. Ivwa kyambote. Mwehe kuzwela yoso yamukala ku muxima. Kana kumubatula kyoso kyamuzwela, bhana matwi ku yoso yamuzwela ni ima yamumuthandanganyesa. Kyoso ki ubhana matwi ku yoso yamuzwela o muthu, eye wamulondekesa kwila wamusuwu, wandala kwila mwene ukala kyambote.

4. Xinganeka ku muthu wamesena kwivwa o njimbu. Kuma mwadisangele kya, dibhwidise kiki:

‘Mukonda dyahi mwene watokala kwijiya o kidi?’
‘Kyebhi o kudilonga o Bibidya kwandabhangesa kwila, mwene ukala kyambote lelu ni kuhádya?’

5. Zwela ima yandamukwatekesa. Kana kulaleka kyavulu phala kumulondekesa se kyebhi o kudilonga o Bibidya kwanda tambwijila o ibhwidisu yê ni kumukwatekesa mu kizuwa ni kizuwa.

TANGA WE

Lom. 10:13, 14; Fil. 2:3, 4; 1 Ph. 3:8