Kana Kubhonzesa o Maka

Ihi Yabhange Jezú

VIDYU: Jezú Wate Kifika Phala Kulondekesa Kwila Tat’etu Watusuwu

1. Tala o VIDYU, mba tanga Matesu 6:​25-27. Mukusuluka xinganeka ku ibhwidisu yiyi:

1. Kifika kyahi kyate Jezú phala kulondekesa kwila Jihova watusuwu?

2. Sumbala Jezú wejidile ima yavulu yalungu ni jinjila, mwene wadikwatenena ngo ku ima yebhi? Mukonda dyahi twamba kwila, yo wexile ukexilu wambote wakulonga?

Kima Kyahi Kitulonga o Phangu ya Jezú?

2. Kyoso kitulonga sé kubhonzesa o maka, athu andalembalala yoso itwa alongo nayu, yandabokona we kumixima yâ.

Kayela Jezú

3. Kana kuzwela kyavulu. Muveji dya kuzwela yoso iwejiya, zwela ngo o ima yala mu kadivulu. Kyoso kiwandabhanga kibhwidisu, ni mwanyu woso, kingila o kitambwijilu kya dixibulu. Se mwene kejiye o kitambwijilu mba uzwela kima ki kyatokala mu Bibidya, bhanga ibhwidisu yengi phala kumukwatekesa kuxinganeka ku maka umwamuzwela. Se dixibulu watetuluka kya, sulukenu ni diba dyengi.

4. Kwatekesa dixibulu dyê kusokelesa o ima yaubhe ni ima yejiya kya mwene. Mu kifika, ande dya kumateka kudilonga maka alungu ni difukunukinu, nange kima kyambote kubhitulula hanji bhofele ihi yadilongo kya o dixibulu yalungu ni kyebhi kikala o muthu kyoso kyafwa, uya kwebhi?

5. Sola kyambote o ifika iwandata. Ande dya kuta kifika, dibhwidise kiki:

1. ‘O kwila kifika kiki kikyandabhonza?’

2. ‘O kwila kyanda tetulukisa o dixibulu dyami?’

3. ‘O kwila kyandakwatekesa dixibulu dyami kulembalala o diba dyatokala inga wandalembalala ngo o kifika?’