Itendelesu Phala Akwa Kyônge kya Dikota

ALONDEKEXI O Alondekexi a kalakala phala ku ku kwatekesa. Twa kudyóndo, belesela o jiphange jiji, kyoso kya bhana itendelesu ya lungu ni kididi kya kubhaka o dikalu, njila ya tokala kubhitila o athu, kubhaka kididi, mba itendelesu yamukwa dingi.

BATIZU O yalu yala ku pholo, phala yó a-nda kwa batizala. Oso anda kwa batizala, atokala kuxikama bhu kididi kiki, ande dya kumateka o diskulusu dya batizu, kya Sabhalu mu kamene. Kala muthu watokala kubheka ditwaya ni izwatu yatokala.

KUSANGELA KITADI Kwene mu bhinga kitadi kyavulu phala kubhanga yalu yatokala, kuyudika o mitelembe ni kusumba ima ya mukwá, phala o kyônge kya dikota kubhita kyambote, ni kutukwatekesa kuzukama kwa Jihova. O kitadi ki usangela, kikwatekesa kusumba o ima yiyi, kikwatekesa we o kikalakalu kya kuboka ku mundu woso. Se wamesena kusangela kitadi, ta mu kaxa yoso-yoso yala mu kididi kiki. Utena kusangela kitadi bhu kaxi ka internete, ku donate.jw.org, mu mbandu kusangela kitadi. Kama koso-koso ku ubhana kala ni valolo. O Kibuka kya Utuminu, ki sakidila kyavulu o athu oso asangela kitadi, phala kukwatekesa o kikalakalu kya Utuminu.

AKWÁ KUSAKA Lembalala kwila, o kididi kiki, phala kukwatekesa ngó yó akwata uhaxi mu kithangana kiki kya kyônge.

IMA YATEXIKA NI YOBONGE Ima yoso yatexika ni yobonge, a tokala ku yambata mu Kididi Mwene mu Bhaka o Ima yatexika ni yobonge. Se wajimbidisa kima, watokala uya mu kisota mu kididi kiki. O twana twa jimbidila, kyoso ki mwa sanga, mwa tokala kwa ambata mu kididi kiki. Maji kana kubanza kwila, kiki kididi kya kutambula konda ya twana. Twamidyóndo, tambulenu konda ya twana twenu, akale kumoxi n’enu.

IDIDI YA KUXIKAMA Twamidyóndo, kima kyambote kuxila akwenu. Mw tokala mu bhaka ngó kididi phala o athu atokala ku mwiji wenu, athu a mu kwendela kumoxi n’enu mu dikalu, athu tungu kumoxi n’enu, mba yó amu ilonga o Bibidya n’enu. Twamidyóndo, kana kuta imbamba kuthandu a yalu, se ki mwamesena kwibhakela athu.

IKALAKALU PHALA OSO AMESENA KUKWATEKESA Se wamesena kukwatekesa mu kyônge kya dikota, ndé wazwelé ni jiphange alanga o kikalakalu kiki, n’a kulondekese o kididi bhu wandakalakala.