1 Nzambi Kiphata o Kuila Kidi?
Ihi i uene mu kuívua: “O ibhangelu ia Nzambi iphata.”
“Ki tu tena ku tendela o Tata, o Mona ki tu tena ku mu tendela, o Nzumbi Ikôla ué ki tu tena ku i tendela.”—O milongi ia Atanasiano, ia Tilindade iene mu longa mu jingeleja javulu ja Kidistándade.
Ihi i longa o Bibidia: Jezú uambe kuila, oso “a ku ijiie eie u Nzambi ia kidi,” a tambula mabesá. (Nzuá 17:3) Maji kiebhi ki tu tena kuijiia Nzambi se muéne kiphata? Muéne ki kiphata kála kiene mu zuela o athu, mukonda muéne ua mesena kuila athu a muijiia.—Jelemiia 31:34.
Mu kidi, ki tu tena kuijiia ima ioso ia lungu ni Nzambi. Mukonda o ibanzelu iê, ni jinjila jê ki ja sokela ni jetu.—Ndongixi 3:11; Izaia 55:8, 9.
Kiebhi o kuijiia o kidi ki ku kuatekesa: Se Nzambi kiphata, mukonda diahi tu mesena ku muijiia? Muéne ka tu tetulula ngó phala ku muijiia, maji phala tu mu zukame. Nzambi uambe ku diiala dia kixikanu Mbalahamu kuila, u “kamba diami,” o Sobha ia Izalaiele, Davidi ua soneka: ‘O ukamba ni Jihova u kala ni ió ala ni uôma ua muéne.’—Izaia 41:8; Jisálamu 25:14.
O kuila ki bhonza ku kala kamba dia Nzambi? Nange ki bhonza, maji o divulu dia Ikalakalu 17:27 dizuela: “[Nzambi] kana muthu ua mu kala dikanga.” Mu ukexilu uahi? Bhu kaxi ka Bibidia, Nzambi u tu bhana ioso i tua bhindamena phala ku muijiia kiambote.a
Muéne u tu tangela kuila o dijina diê, Jihova. (Izaia 42:8) Muéne u tu tangela o ima iene mu bhanga phala ki tuijiia ngó o dijina diê, maji tu muijiia ué Muéne. Nzambi u tu londekesa ué o ukexilu uê. Muéne, Nzambi ia “jihenda ni [ia kidi], ua lenduka, u kokoloka mu kuthathamana, u kôla mu kukuatela henda, “[mukua kidi].” (Makatukilu 34:6) O ima i tu bhanga i tena ku mu sangulukisa, mba ku mu luualesa. Mu kifika, o akua Izalaiele a mu luualesele, a ‘mu bhangesa ku divua kia iibha,’ kioso kia kexile ku mu bhukumukina, maji oso akexile ku mu belesela, a mu sangulukisile.—Jisálamu 78:40; Jisabhu 27:11.
[Tanga mu luji]
a Phala kuijiia dingi, ihi i longa o Bibidia ia lungu ni Nzambi, tanga o kibatulu 1 kia divulu, Mu Kidi Ihi i Longa o Bibidia? A di bhange ku Jimbangi ja Jihova.
[Kilombuelelu ku mbandu 4]
Se Nzambi uexile Tilindade, mba kiphata, kiebhi ki tueji muijiia?
[Mixinda ia Tokala ku foto 4]
O Tilindade c.1500, Flemish School, (16th century)/H. Shickman Gallery, New York, USA/The Bridgeman Art Library International