IBHUIDISU IA BIBIDIA IO TAMBUIJILE
Diebhi o dijina dia Nzambi?
O jindandu jetu jala ni majina. Katé muene ni ibhaku iala ni majina! Ki kima kiambote ué Nzambi ku kala ni dijina? Nzambi uala ni majina avulu a ujitu mu Bibidia, kála, Nzambi, Muteni-a-ioso, Suke-ku ni Mubhangi, maji muéne uala ué ni dijina diê muene.—Tanga Izaia 42:8.
Saí ji Bibidia, o dijina dia Nzambi tu di sanga mu divulu dia Jisálamu 83:18. Mu kifika, mu Bibidia, Mikanda Ikola, o velusu íii, i zuela: “Eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.”
Mukonda diahi tua tokala ku tumbula o dijina dia Nzambi?
Tu tumbula o majina mu kuzuela ni athu, kála o makamba metu
Nzambi ua mesena kuila tu tumbula o dijina diê. Etu tu tumbula o majina mu kuzuela ni athu, kála o makamba metu—bhenge-bhenge se ene a xikina kua a tumbula o majina. Ihi i tuamba ia lungu ni kuzuela ni Nzambi? Jezú Kristu ua tu suínisa ku tumbula o dijina dia Nzambi.—Tanga Matesu 6:9; Nzuá 17:26.
Maji, phala ku kala kamba dia Nzambi, tua bhingi kuijiia dingi ia lungu ni muéne ni dijina diê. Mu kifika, kiebhi Nzambi kia kala? O kuila tu tena ku zukama kua Nzambi? U tena ku sanga o itambuijilu ia ibhuidisu íii mu Bibidia.