“Kiebhi o Kijila Kia Dikota mu Kitumu?”

Ihi ia mesena Nzambi ko kuetu? O kuila saí itumu iavulu i tua tokala o ku belesela? Kana. Kala kia zuela o Mon’a Nzambi, Jezú Kristu, Nzambi ua mesena kima kimoxi ngó ko kuetu.—Tanga Marku 12:28-31.

Xinganeka hanji mu izuelu ia Jezú. Muéne ua kexile mu longa mu tembulu mu kizuua kia 11 kia mbeji ia Nizá, ande dia ufuilu uê. O jinguma jê a mesenene ku mu polovala mu ku mu bhanga ibhuidisu ia bhonzele o ku itambuijila. Muéne ua kexile mu tambuijila o ibhuidisu iâ ioso. Kienhiki, Jezú a mu ibhuidisa: “Kiebhi o kijila kia dianga?”—Velusu 28.

Kiexile kibhuidisu kia bhonzele o ku ki tambuijila. Kua kexile Jijudé akexile mu zoka se mu 600 a Itumu ia bhanene Nzambi kua Mozé, kiebhi o kijila kia dikota mu kitumu. A mukuá, akexile mu zuela kuila, o ijila ioso ia betele kota, ni kuila kituxi ku banza kuila saí kijila kia betele kota, o ijila ia mukuá ndenge. Kiebhi Jezú kieji tambuijila o kibhuidisu kiki?

Mu ku tambuijila, Jezú ka tumbula ngó kijila kimoxi, maji ua tumbula ijila iiadi. Kia dianga muéne uambe: “Zola [Jihova Nzambi] ni muxima ué uoso, ni muenhu ué uoso, ni kilunji kié kioso, ni nguzu ié ioso.” (Velusu 30; Matendelelu 6:5) O izuelu, “muxima,” “kilunji,” “muenhu” ni “nguzu,” ki kilombolola kima kimoxi ngó.a Ki lombolola: O muthu ua tokala u zola Jihova mu ukexilu uoso ni ioso iala na-iu. Saí Bibidia i zuela: “Nzambi, a tokala ku mu zola mu ukexilu uoso.” Se u zola Nzambi, ua-nda bhanga o kima kia tokala ku muenhu uê.—1 Nzuá 5:3.

O kia kaiiadi, Jezú uambe: “Mukuenu u mu zola, kala ki ua di zola eie-muène.” (Velusu 31; Ijila 19:18) O ku zola Nzambi ni ku zola akuetu, kima kiala kumoxi. O ku zola Nzambi, kiene ki tu bhangesa ku zola akuetu. (1 Nzuá 4:20, 21) Se tu zola akuetu, kala ki tua di zolo etu muene, tua-nda xila akuetu kala ki tua mesena kuila ene a tu xila. (Matesu 7:12) Kienhiki, tua-nda londekesa kuila tua zolo o Nzambi ua tu bhange—ua a bhange ué—mu kidifuanganu kiê.—Dimatekenu 1:26.

Mukonda diahi o ku zola Nzambi ni ku zola akuetu kima kia tokala? Jezú uambe: “Kana-ku dingi kijila kia tundu o ijila iiadí’ii.” (Velusu 31) Mu kithangana kia mukuá, Jezú uambe kuila, o ijila ioso ia mukuá, ia tokala ku ijila iiadi íii.—Matesu 22:40.

O ku bhanga o vondadi ia Nzambi, ki ku bhonzo kana. Ioso ia mesena Nzambi ko kuetu, ilombolola kima kimoxi ngó: o ku zola. Tundé ukulu—iú uene o ukexilu—ua ubhezelu ua kidi. Maji o ku zola ki kima kia kuzuela ngó mba ku divua; a kilondekesa mu ima i tu bhanga. (1 Nzuá 3:18) Mukonda diahi ki u di longe kiebhi ki ua tokala o kulondekesa o henda iê kua Jihova, o Nzambi “ia henda?”—1 Nzuá 4:8.