Mulangidi KIDIDI KYA KUBHAKA MADIVULU MU INTERNETE
Mulangidi
KIDIDI KYA KUBHAKA MADIVULU MU INTERNETE
Kimbundu
  • BIBIDYA
  • MADIVULU
  • YÔNGE
  • w13 11/15 jimb. 8-9
  • Kiebhi ki tu Tena ku Kuatekesa Akuetu a Bhindama

O vidyu iwasolo seku luwa.

Tuloloke, kwamoneka kibhidi mu kujikula o vidyu.

  • Kiebhi ki tu Tena ku Kuatekesa Akuetu a Bhindama
  • O Mulangidi—2013
  • Milongi Yadifu
  • Sakidila o Ukexilu ua Jihova ua Kubhana
    O Mulangidi ua ku di Longa—2015
O Mulangidi—2013
w13 11/15 jimb. 8-9

Kiebhi ki tu Tena ku Kuatekesa Akuetu a Bhindama

SAÍ kafunga a mu ixana François, ua tungu mu ixi muala o ima iambote uambe: “O kavuanza ka bhitile mu kithangana kia ku sola o nguvulu ia tokalele ku tumina, ka bhangesa Jimbangi javulu ja Jihova ku xisa o mabhata mâ. Ki ku kexile kudia, mba milongo, o ia subhukile-ku, ia tele kalu iavulu. O jibango a ji jikile, ki mu kexile kitadi.”

O jiphange a kalakala mu filiiale, ni lusolo luoso, a bhongolola ima iavulu phala ku kuatekesa o jiphange a diongekele mu Ididi ia Ubhezelu. O ibuka ia kexile mu bhanga o kavuanza, a xitile o jinjila, maji o ibuka iiadi íii, iejidile kuila o Jimbangi ja Jihova ka di ta mu maka a jinguvulu, mukonda dia kiki, ene akexile mu kuehela o dikalu dia filiiale ku bhita izuua ioso.

François uambe: “Kioso ki tua kexile múia mu Kididi kia Ubhezelu, kua kexile disoladi ua kexile mu loza, muéne ua lozo ué ku dikalu dietu. O ji bala ja kexile mu bhita bhu kaxi k’etu. Kioso ki tua mono o disoladi dia kexile mu kuíza ko kuetu ni uta bhu maku, tua bhilula o dikalu ni lusolo, anga tu vutuka ku filiiale. Tua sakidila Jihova mukonda tua bhuluka. Mu kizuua kia mukuá, o 130 a jiphange a kexile mu Kididi kia Ubhezelu, akexile kiambote. Saí jiphange ejile ku filiiale ku tua kexile mu dikila o ibhindamu iâ mu nzumbi, ni ima ia mukuá, katé kia bhiti o kavuanza.”

François uambe ué: “O jiphange mu filiiale, a tambuile mikanda iavulu ia jiphange mu jixi ja mukuá, akexile mu sakidila. O ku mona kuila o jiphange jâ, a tundile mu jixi jengi, ejile mu ku a kuatekesa, kia suínisa o kidielelu kiâ kua Jihova.”

Kioso ki ku bhita dibhebhu, etu ki tuambela ngó o jiphange jetu kuila, ndenu “mu di fute, mu ikute.” (Tiia. 2:15, 16) Mu veji dia kiki, tu bhanga ioso phala ku a kuatekesa mu ibhindamu iâ. Kála kia bhitile ku hama ia dianga, kioso kiévuile kuila kua kexile nzala, o ‘jixibulu joso, kala muthu kioso kia soko na-kiu, a solo ku sangela kudia ni ima ia mukuá phala ku kuatekesa o jiphange ja tungu mu Judeia.’—Ika. 11:28-30.

O Jimbangi ja Jihova a mesena ku kuatekesa mu ibhindamu ia akuâ. Maji ene ejiia kuila, o athu a bhindamena ué kima kia mukuá. (Mat. 5:3) Phala ku a kuatekesa kuijiia o kibhindamu kiki, ni ku bhanga kima phala ku zubha o kibhindamu kiâ, Jezú ua tumina o akaiedi’ê ku bhanga maxibulu. (Mat. 28:19, 20) Muthu ni muthu mudietu, u bhana o kithangana kiê, ni nguzu iê, ni jimbongo jê, phala ku bhanga o kikalakalu kiki. O kilunga kiene mu kuatekesa ni jimbongo, maji o jimbongo jene mu beta ku kuatekesa o kikalakalu kia kuboka o Utuminu. Etu tu londekesa o henda ietu kua Nzambi ni ku ji vizinhu jetu.—Mat. 22:37-39.

Oso a kuatekesa o kikalakalu kia Jimbangi ja Jihova, kia bhanga ku mundu uoso, a tena ku dielela kuila o jimbongo jâ ja bhana, ja mu kuatekesa kiavulu. O kuila eie u tena ku kuatekesa o jiphange ja bhindama? O kuila eie ua mesena ku kuatekesa o kikalakalu kia ku bhanga maxibulu? “Muthu uoso ua tokala ku mu bhanga mbote, eie kufule ku mu bhanga-iu se o lukuaku lué luala ni kutena kua ku ki bhanga.”—Jisa. 3:27.

MAUKEXILU A KUSANGELA KITADI PHALA KU KUATEKESA O KIKALAKALU KIETU KU MUNDU UOSO

Kála mu izuua ia poxolo Phaulu, lelu athu avulu ‘a bhaka kama’ mba kakitadi,’ phala ku ki ta mu ji kaxa mu kilunga, jala ni kijimbuete, “Kikalakalu Kietu ku Mundu Uoso.” (1 Kol. 16:2) Mbeji joso, o ilunga iene mu tumikisa o kitadi kiki, ku filiiale ia Jimbangi ja Jihova mu ixi iâ. Eie u tena ué ku tumikisa kitadi ku filiiale ia Jimbangi ja Jihova, ku ixi iê. Ijiia o dijina dia filiiale ia Jimbangi ja Jihova ku ixi iê, tua ku dióndo sota ué kuzuela ni athu ala ku pholo ku filiiale mu ixi iê. O kijimbuete kia filiiale u tena ku ki sanga mu http://www.jw.org/kmb. O ima i u tena ku tumikisa phala ku sangela íii:

  • KUSANGELA NI MUXIMA UOSO

    • Kitadi, ulu, ni ima ia mukuá i uala na-iu ia valolo.

    • Tá mu mukanda ulondekesa kuila o kitadi, mba ima ia mukuá ua i sangela ni muxima uoso.

  • UKEXILU UA KU SANGELA NI KU TAMBULA

    • Ku sangela kitadi, maji a tena ku ki vutula, kioso kia ki bhindamena ku mukuá kitadi kiê.

    • Tá mu mukanda ulondekesa kuila o kitadi kiki ua-nda ki tambula.

  • KU SANGELA PHALA KU KUATEKESA IÓ A BHINDAMA

    Kuala ué maukexilu a mukuá a ku sangela, phala ku kuatekesa o kikalakalu kietu kia Utuminu ku mundu uoso. O ima ia mukuá, tu i sanga ku luiji. Phala kuijiia o ukexilu u ua mesena kusangela, dianga ku sota o jiphange ala ku pholo ku filiiale ku ixi iê, phala n’a ku tangela se eie u tena ku sangela mu ukexilu uebhi. Sota ué kuijiia o itumu ia ixi iê, phala kuijiia ku sola kiambote o ukexilu u ua tokala ku sangela.

    Kusangela ni Kikutu: O kusangela mu ukexilu iú ku lombolola kuila, o Jimbangi ja Jihova, a tambula ngó o ima kioso kiafua o muthu ua i sangela, maji se o muthu iú uala hanji ku muenhu, o ima íii ia mu tokala hanji.

    Undundu: O ukexilu iú ulombolola kuila, o ima ioso ia tena ku bhana o muthu ua mesena ku sangela kima ku filiiale ia Jimbangi ja Jihova, u ki bhana bhu kaxi ka mukanda ua bhanga ni kidimbu kiê.

Associação das Testemunhas de Jeová

Rua Talatona N.°1—Luanda Sul,

Caixa Postal 6877

Luanda—Angola

    Madivulu Muoso Kimbundu (2008-2025)
    Kutunda
    Kubokona
    • Kimbundu
    • Kuwanena akwenu
    • Yakuwabhela
    • Copyright © 2025 Watch Tower Bible and Tract Society of Pennsylvania
    • Ijila
    • Kikutu Kyetu
    • Definições de privacidade
    • JW.ORG
    • Kubokona
    Kuwanena akwenu