DIAMBU DIA KAPA | UA MESENA KU DI LONGA O BIBIDIA?

Kikalakalu Phala Ku Longa o Bibidia Ku Athu Oso

O Jimbangi ja Jihova a ejiia mu ngongo ioso mukonda dia kikalakalu kiâ kia ku bokela o athu. Eie ua kijiia ué kuila tuene mu longa o Bibidia ku athu mu jixi joso?

Diiala ua mu di longa o Bibidia ku salu iê

Ku muvu ua 2014, 8.000.000 ja Jimbangi ja Jihova ndenge mu 240 ja jixi a longo o Bibidia ku 9.500.000 ja athu ndenge mu mbeji joso.a Mu kidi, o athu a di longo o Bibidia n’etu a betele o kuvula, o athu a tungu mu 140 ja jixi ndenge!

Phala ku bhanga o kikalakalu kiki kia ku longa o athu, o Jimbangi ja Jihova ene mu bhanga mazunda ni mazunda a ji Bibidia, madivulu, tu madivulu ni jifalamenda ja mukua ja tokala phala ku longa o athu mu 700 ja madimi! Kiki ki kuatekesa o athu ku di longa o Bibidia mu madimi mâ a uvualukilu.

“Eme ki ngi uabhele kuia mu xikola, maji o ku di longa o Bibidia nga ku uabhela kiavulu. O ima i nga di longo mu Bibidia ia ngi bhangesa ku divua kiambote!”—Katlego, África do Sul.

“O Bibidia ia ngi tambuijila o ibhuidisu iami ioso.”—Bertha, México.

“A kexile mu ngi longa o Bibidia kubhata diami mu ola i nga solele. Nga sangulukile kiavulu!”—Eziquiel, Brazil.

“Nga kexile mu di longa o Bibidia mu 15 mba 30 a—ithangana. Saí izuua se ki nga kexile ni ikalakalu nga kexile mu di longa muéne ola imoxi.”—Viniana, Austrália.

“Ki nga futu kima phala ku ngi longa o Bibidia, nga sangulukile kiavulu!”—Aimé, Benin.

“O muthu ua ngi longo o Bibidia, ua lendukile kiavulu, uexile muthu uambote. Tua kituka tu makamba a kidi.”—Karen, Irlanda do Norte.

“Athu avulu ene mu di longa o Bibidia maji ka xikina ku kituka Jimbangi ja Jihova.”—Denton, Inglaterra.

ITAMBUIJILU IA IBHUIDISU IENE MU BHANGA O ATHU IA LUNGU NI KIKALAKALU KIETU KIA KU LONGA O BIBIDIA

Kiebhi ki mu longa o Bibidia ku athu?

Etu tu sola diambu mu Bibidia, anga tu sota mu Bibidia ji velusu ji zuela o diambu didi di tua solo. Mu kifika o Bibidia itambuijila ibhuidisu kála íii: Nzambi nanhi? Kiebhi kiala muéne? Muéne uala ni dijina? Muéne ua tungu kuebhi? O kuila tu tena ku mu zukama? Ku bhonza kiavulu o kuijiia kuebhi ku tu sanga o itambuijilu ia ibhuidisu íii.

Phala ku kuatekesa o athu ku sanga o itambuijilu, tuala ni divulu diala ni 224 ja ji mbandu, diambe kiki Mu Kidi Ihi i Longa o Bibidia?b O divulu didi a di bhange phala ku kuatekesa o athu kuijiia o ilongesu ia Bibidia. Mu divulu didi muala maka alungu ni Nzambi, Jezú Kristu, maka alungu ni hadi iene mu tala o athu, maka alungu ni difukunukinu, ku samba ni maka a mukuá dingi.

Kuebhi ni ola iebhi o muthu ua tokala ku di longa o Bibidia?

Eie u sola o kithangana ni kididi ku ua mesena o ku di longa.

Ola jikuxi ja tokala ku di longa o muthu?

Athu avulu a katula ola imoxi semana joso phala ku di longa o Bibidia. Maji ki ku bhingi ku laleka kiavulu. Tua-nda belesela o kithangana kiê. Saí athu a di longa ngó mu 10 mba 15 kia ithangana semana joso.

O muthu ua tokala ku futa kikuxi?

Eie ku bhingi ku futa o madivulu. Ki tu bhingi kitadi mukonda Jezú uambe ku maxibulu mê: “Mua tambula ngoho, bhenenu ngoho.”—Matesu 10:8.

Nga tokala ngi suluka ni ku di longa?

Eie ua kijiia se ola ikuxi i ua mesena ku. O divulu Mu Kidi Ihi i Longa o Bibidia? Diala ni 19 dia ibatulu. Eie ua kijiia se mbeji jikuxi ji ua-nda bhinga phala ku zubha o divulu didi.

Nga tokala ngi kala ngi Mbangi ia Jihova?

Kana. Etu tu xila o athu kuila, ene a tokala ku sola o ima ia tokala o ku xikina. O ió eza mu kuijiia o ilongesu ia Bibidia, a tena ku sola ihi ia-nda bhanga ni mienhu iâ.

Ihi i ngi bhanga se nga mesena kuijiia dingi?

O Kijimbuete kietu jw.org ki bhana milongi ia lungu ni ilongesu ni ikalakalu ia Jimbangi ja Jihova.

Ihi i ngi bhanga se nga mesena kuijiia dingi?

O athu a mu bhinga ku a longa o Bibidia mu maukexilu avulu: mu internete, mu mikanda, a sota Jimbangi ja Jihova mu diembu diâ

Bhinga mu Internete mu kijimbuete kia www.jw.org.
Soneka mukanda ni ku u tumikisa ku ijimbuete iala ku mbandu ia kaiadi ia kadivulu kaka.
Sota Mbangi ia Jihova, mu diembu diê.

a O Jimbangi ja Jihova ene mu longa o Bibidia ku muthu umoxi mba kibuka kiofele kia athu.

b A di bhange ku Jimbangi ja Jihova. 230 a mazunda ndenge a divulu didi ene mu di katula jikopia phala o athu mu 260 a madimi.

O Ku Di Longa O Bibidia Ku Kuatekesa O Miji

Eziquiel uambe: “Muhatu’ami kioso kia mateka o ku di longa o Bibidia, muéne ua lungulula o ukexilu uê iu ua kituka muthu uambote. O muiji uetu ua betele ku zediua. Kuma nga mesenene kuijiia ihi ia kexile mu di longa muéne, nga mateka uami o ku di longa. O ima i nga kexile mu di longa, ia lungulula o ukexilu uami, eme nga kituka ué ngi muthu uambote. O ku di longa o Bibidia kua bhangesa o muiji uetu ku kala dingi kumoxi.”—

Karen uambe: “Kioso ki nga mateka o ku di longa o Bibidia, ng’eha o ji droga, o kúnua kiavulu, nga di longo ué o ku tululuka mu veji dia ku kala ni njinda kabasa kithangana. O inzo iami ia kituka dingi kididi kia zele, kia fuama kiambote. Ngeza mu zola dingi o muiji uami mukonda dia kiki ngene mu bhanga ioso phala ku u sangulukisa. Nga beta ku sanguluka m’ukulu ndenge.”—

Viniana uambe: “Athu avulu kia ngi mono nga mu di longa o Bibidia, a mateka ku ngi zukutisa. Maji muadi uami, ua kexile mu ngi suínisa phala ki ngi bhuile, muéne ua kexile mu ngi tangela kuila: ‘O ima ia kexile mu zuela o athu muéne ka i bhanene mátui. Mukonda ua sangulukile ku mona kuila nga kexile mu lungulula o ukexilu uami eme nga kituka ngi muthu uambote. Ua ngi suínisa o ku suluka ni ku di longa o Bibidia.’ Lelu o muiji uetu ua beta ku zediua m’ukulu ndenge!”—