IBHUIDISU IA BIBIDIA IO TAMBUIJILE
O Kizuua Kia ku Fundisa Ihi?
Mukonda Diahi o Kizuua kia Ku Fundisa Kia-nda Kala Kizuua Kia ku Sanguluka?
M’ukulu, Nzambi ua tumina afundixi ku bhulula o mundu uê bhu maku a jinguma jâ. (Afundixi 2:18) O Bibidia i tanga o Kizuua kia ku Fundisa kuila kithangana kia ku sanguluka, mukonda Jihova, o mufundixi ua ixi ioso, ua-nda bhulula o athu ku ima ia iibha.—Tanga Jisálamu 96:12, 13; Izaia 26:9.
Nzambi ua solo Jezú phala ku fundisa o athu oso katé ni ió afu kiá. (Ikalakalu 10:42; 17:31) Athu avulu a fu sé kuijiia Nzambi. Mu kithangana kia kizuua kia ku fundisa, Jezú ua-nda bheka dingi ku muenhu o athu afu kiá, phala ene kuijiia Nzambi ni ku mu zola.—Tanga Ikalakalu 24:15.
Mukonda diahi o Kizuua kia ku Fundisa kia-nda bhanga midi ia mivu?
O athu afu a-nda kua fukununa ku midi ia mivu. (Dijingunuinu 20:4, 12) Ene a-nda bhinga kua longa o itumu ia Nzambi ni ku i belesela. O Bibidia ki i longa kala kiene mu xinganeka o athu, iene i londekesa kuila o athu a-nda kua a fundisa mu ima ia-nda bhanga kioso kia-nda kua fukununa.—Tanga Loma 6:7.
O Bibidia i tanga ué o kizuua kia ku fundisa kia-nda bhita ande dia ku mateka o midi ia mivu. O kizuua kiki a k’ixana dizubhilu kála kia londekesa o milongi mu jimbandu ja dianga ja kadivulu kaka. Mu kizuu’okio Nzambi ua ká buika athu oso a iibha, a kambe ku mu xila. ( 2 Phetele 3:7) Kienhiki-phe tua tokala kulondekesa kuila tua zolo Nzambi.—Tanga 2 Phetele 3:9, 13.