O ixi iezala ni hádi, o kuila Nzambi muéne uene mu i bheka?
Ihi I Longa O Bibidia?
O kuila Nzambi muéne uene mu tu talesa o hádi?
Ihi i u Banza?
Kiene
Kana
Nange
Ihi i Longa o Bibidia
“Kuma Nzambi ka tena kubhanga kiaiibha! O Muteni-a-Ioso ka tena kubhanga mangonha!” (Jobe 34:10) Nzambi ki muene uene mu bheka o kuiibha ni hádi i tuene mu mona mu ngongo.
Ihi Dingi i tu Longa o Bibidia?
Satanaji o Diabhu, “o sobha ia mu tumina mu ngong’umu,” muéne o muthu uene mu bhekela o hádi.—Nzuá 14:30.
Kuene ue hádi iavulu ni kuiibha, mukonda dia ima iaiibha iene mu sola o athu.—Tiiaku 1:14, 15.
O kuila o hádi ki ia-nda bhua?
Athu avulu a xikina kuila o athu a-nda zubha o hádi mu kutena kuâ, maji amukuá kala dingi ni kidielelu kuila o ngongo íii ia-nda uabha. Ihi i u banza?
Ihi i Longa o Bibidia
Nzambi ua-nda zubha o hádi. “Ki ku kala dingi kùfua, nè ngó mukôndo, mba kudila, mba kukata.”—Dijingunuinu 21:3, 4.
Ihi Dingi i tu Longa o Bibidia?
Nzambi ua-nda tumina Jezú phala kubhuisa o hádi ioso ia bheka Diabhu.—1 Nzuá 3:8.
Athu ambote a-nda tunga mu palaízu mu ixi katé ku hádia ni hádia.—Jisálamu 37:9-11, 29.