“O Utuminu wé Wize”—Mazunda a Athu Ene mu Bhanga o Musambu Yu

Eye wa sambele kyá phala kubhinga kwila, o Utuminu wa Nzambi wize? Mu hama ya mivu, mazunda a athu ene mu bhitulula o izwelu “o utuminu wé wize.” Mukonda dyahi ene mu bhitulula o izwelu yiyi? Mukonda Jezú wa tendelesa o akayedi ê kusamba mu kubhinga o Utuminu wa Nzambi.

Ku dimatekenu, o akayedi a Jezú ka tendela o ima yoso ya a tangela mwene ya lungu ni Utuminu. Sayi kizuwa ene a mwibhwidisa: “Ngana, o kwila mu kithangana kiki kyene ki wa-nda bheka dingi o utuminu mu Izalayele?” Ene nange a diwana, mukonda Jezú ka a tangele se o Utuminu wa Nzambi weji kwiza thembu kuxi. (Ikalakalu 1:6, 7) Kiki kilombolola kwila ki tu tena kwijiya se Utuminu wa Nzambi ihi? Wa-nda kwíza thembu kuxi? Ki kyene!

O Mulangidi yu wa-nda kukwatekesa kusanga o itambwijilu ya ibhwidisu ya kayela:

Mukonda dyahi twa bhindamena o Utuminu wa Nzambi?
Nanyi o Sobha ya Utuminu wa Nzambi?
O Utuminu wa Nzambi wa-nda mateka kutumina o ixi thembu kuxi?
Ihi ya-nda bhanga o Utuminu wa Nzambi?
Mukonda dyahi twa tokala kusola kukwatekesa o Utuminu wa Nzambi kindala?
O Utuminu wa Nzambi ihi?