Eie Uejiia Ihi i Ua-nda Bhanga?

O pelasá sé manhinga, a mu i bhanga mu ididi iavulu ia ku saka, ku mundu uoso. Eie uejiia kiambote o uendelu uoso ua lungu ni ku saka sé manhinga? Eie ua tokala kuijiia o uendelu uoso, phala ku sola se ihi i ua-nda bhanga mu uendelu ua ku saka sé manhinga. Tala o vídeo, Sem Sangue—A Medicina Encarou o Desafio. Kioso ki ua-nda zubha ku mona o vídeo, xinganeka ia lungu ni ihi i ua di longo, ni kikuatekesu kia ibhuidisu ku luiji.—kitendelesu: Mukonda dia ku kala ni mbandu (sumário) ni jimbandu ji londekesa pelasá, o jitata a tokala ku di langa kioso kia-nda mona o vídeo íii, ni tuana.

(1) Mukonda diahi o Jimbangi ja Jihova a dituna ku tambula manhinga ku mukutu uâ? (2) Kioso o Mbangi ia Jihova kia sota dotolo phala ku mu saka, ihi ia mesena dingi? (3) Ihi ia tokala ku muthu ua kate? (4) Mukonda diahi ki kima kia iibha ku sola o uendelu ua mukuá ua ku saka sé manhinga? (5) Kioso o muthu kia bhubha manhinga avulu, mauendelu ahi a iiadi, a tokala o ku bhanga ni lusolo o ji dotolo? (6) Ebhi o maukexilu a uana, alungu ni ku saka sé manhinga? (7) Kiebhi o ji dotolo a tena (a) ku fidisa o manhinga a mu bhubha, (b) ku langa o ndundula ia kusuka, (c) ku suínisa o manhinga, ni (d) ku bhandulula o manhinga? (8) Jimbulula o ima a ejiia kála (a) hemodiluição ni (b) ku bhandulula o ji célula. (9) Ihi i ua mesenene ku ku jimbulula ia lungu ni uendelu ua ku saka sé manhinga? (10) O kuila ki bhonza ku bhanga ji pelasá ja makota sé manhinga? (11) Uendelu uebhi ua mu bhita mu kibuka kia ji dotolo?

Ku xikina o mauendelu a ku saka u tua mono mu vídeo, kima kia tokala ku kidistá ku sola, mu kaxi ka kitongoluelu kiê, kio longe mu Bibidia. O kuila eie uejiia kiá se uendelu uebhi ua ku saka, ni ku u xikina ki kale eie, mba o tuana tuê, u ua soneka mu mukanda DPA ua lungu ni sauidi? Phala kuijiia dingi ia lungu ni maka enhá, di longe o mbandu “O Atangi Ebhula” mu Mulangidi ua 15 dia mbeji ia Kanake dia 2004, ni 15 dia Kamusasadi ka 2000. Tala ué o mbandu ia Kikalakalu Kietu Kia Ukunji Kia Utuminu, kia mbeji ia Kamoxi ka 2006 diambe, “kiebhi ki ngi mona, o jimbandu ja manhinga ni uendelu ua ku saka ni manhinga mami?” ua tokala ku sola ihi i ueji xikina, mba ku dituna. Kienhiki, ijiia kuila ua bhange ioso i ua mesenene ku bhanga mu mukanda uê DPA, ua lungu ni sauidi. O jimbangi, ni ji ndandu jê, a tokala kuijiia i ua solo ku bhanga ku muenhu uê.