O Madivulu Metu—a a Bhange Phala o Athu Oso
1. Kiebhi o kimbadi kia fiiele u kaiela o phangu ia poxolo Phaulu?
1 Kála poxolo Phaulu ua boko mu ukexilu uavulu, phala ku nganhala o ‘athu a kikonda kioso,’ o kimbadi kia fiiele u iudika o madivulu metu phala ku sanga athu a kixikanu kioso. (1Kol. 9:22, 23) Tu tena ku katula mbote mu ku bhana O Mulangidi ni Despertai! kima kiambote ku lembalala o atangi a madivulu metu.
2. O Despertai! a di iudika phala ku kuatekesa nanhi?
2 Despertai!: O divulu didi, a di bhange phala ku sanga athu a difu ni iá a a sange kua poxolo Phaulu, kioso kia zuela ku “akua Atena!” (Ikalakalu 17:22) O athu enhá ka kexile ni kuijiia kua u Kidistá, ene ejidile bhofele o Bibidia. Kiene kimoxi ué, o atangi a Despertai!, ala ni kuijiia kófele mba ka kijiia kima kia lungu ni Bibidia. Ene kejiia kima kia lungu ni ulongelu ua Kidistá, a tena ku kala ni phata ia lungu ni ngeleja, mba ka mono o valolo ia Bibidia. O kima kia dianga kiala mu Despertai! o ku kuatekesa o atangi ku xikina kuila kuene Nzambi. O kima kia mukua ué, o ku kala ni kixikanu mu Bibidia, ni ku kuatekesa o atangi ku tendela kuila o jimbangi ja Jihova ka difu ni ibuka ia jingeleja ja mukuá.
3. O atangi a Mulangidi a nanhi?
3 O Mulangidi: O Mulangidi phala o athu oso, a u bhange phala ku ximana Nzambi ni Mikanda Ikola. O athu enhá ala ni kuijiia kófele ia Bibidia, maji ka tendela kiambote o milongi iala-mu. A difu ni jingivuidi a a exana kua Phaulu kuma ‘mu abhezi a Nzambi’ (Ikalakalu 13:14-16) O milongi ia Mulangidi ia ku di longa mu kilunga, phala o Jimbangi ja Jihova. Phaulu uambe kuila oso a tange o mikanda iê, ejidile o Bibidia, akexile ni kuijiia kua soko kua kidi. (1 Kol. 1:1, 2) Kiene kimoxi ué, o mulangidi ua ku di longa mu kilunga, saí jimbandu ja mukua phala o athu ene mu kala kumoxi n’etu mu iônge, ejiia ihi ia lungu ni Jimbangi.
4. Mukonda diahi tua tokala kuijiia ihi iala mu madivulu u tu ambata mu sidivisu ia ku boka?
4 Sumbala tu bhana O Mulangidi ni Despertai! kumoxi, maji tuene mu zuela ngó ia lungu ni divulu dimoxi. Kienhiki, suua o mbambe iê, ia kuijiia o milongi ioso ia madivulu metu. Kiki, ua-nda kala polondo phala ku kuatekesa oso u disanga na-u mu ukunji uê.