Kibhuidisu mu Kaxa

◼ O kuila tueji samba kioso kia mateka ku longa o Bibidia bhu muelu?

Kuene mbote iavulu mu ku mateka ni ku zubha ni musambu, mu ku longa o Bibidia. Mu kaxi ka musambu, tu bhinga kua Jihova o nzumbi ikola, kioso ki tu longa. (Luka 11:13) O ku samba ué, ku kuatekesa o dixibulu dietu dia Bibidia kuambata ni kidi kioso o ulongelu uê, ni ku mu longa kiebhi kia tokala o ku samba. (Luka 6:40) Mu kiki, se bhu bhana, kima kiambote ku mateka o ku samba ni dixibulu. Mu kienhiki, se o ithangana i bhana, o mulongexi ua tokala ku tongolola se ku bhinga ku mateka ni musambu, kioso kia mateka ku longa o Bibidia bhu muelu.

O kima kia beta-kota, o kuijiia kiambote o kididi bhu ua mu longa o Bibidia. Se kididi kia tokala, a tena ku mateka ni ku zubha ni musambu ua butu, mu ku longa o Bibidia. Mu kienhiki, se o ku samba kueji bhangesa o athu ku thandanganha, mba ku bhangesa o dixibulu ku divua kia iibha, kima kiambote ku kingila ku samba ni muthu bhu kididi kia tokala. Phala ku longa o Bibidia, tua tokala ku kala ni kilunji phala kuijiia o kithangana kia ku mateka ni musambu.—Tanga o Nosso Ministério do Reino Março 2005, mu mbandu ia 4.