Ukexilu ua ku Katula Mbote mu Mimbu ia Utuminu

O jiselevende ja Nzambi, a mona o muimbu kuila ujitu ua dikota ua bhana Jihova. (Tii 1:17) Saí ilunga, a katula mbote mu kuimba mimbu ia Utuminu, ande ni kioso ki zubha o iônge iâ, ia kilunga. Kuimba mikumbi ia Utuminu, ukexilu ua ku tu sangesa phala o iônge. Ku tu kuatekesa ku kala polondo, phala ku bheza. Mu kienhiki, kuimba o mimbu ia ubhe mu divulu dietu dia kuimba, ki ku kuatekesa kuijiia o mimbu, ni ku tu kuatekesa kuimba kiambote o mimbu. Mu kiki, o mukumbi u xika kioso ki zubha o kiônge, u bhana kithangana kia ukamba ni ku suínisa. Mu kiki, o ibuka ia tufunga a tokala ku bhanga ioso phala ku xika mimbu, mu ku kaiela ni divulu, Cantemos a Jeová, mu—Dízui dia Piano, ande ni kioso ki zubha o iônge. A tokala ku ji xika mu dízui dio fele, phala o jiphange a tene ku di zuelesa mudiâ.