Kitadi Kia Tolo o Valolo

O kima kia beta-kota, o ku sangela phala ku kuatekesa o kikalakalu kia kuboka ku mundu uoso. Ihi i u bhanga se kuala ni kitadi kiavulu?

Saí kithangana, Jezú ua mono mutudi ku ta mu ji kaxa ja tembulu tumbongo tua kexile ni valolo iofele. Mukonda dia ku zola Jihova ‘ka mono dingi bhua katula, iú ua te-mu o huta iê ioso.’ (Marku 12:41-44) Jezú ua mono kuila o ku sangela kuenhoko kua kexile kua dikota ku mesu a Nzambi. Kiene kimoxi ué, mu hama ia dianga o Jikidistá ka kexile mu banza kuila o ujitu ua ku sangela kitadi phala ku kuatekesa o kikalakalu kia kuboka, ujitu phala o Jikidistá akexile ngó jimvuama. O poxolo Phaulu ua tange o phangu ia akua Masedonha, akexile ni ‘uadiama uavulu . . . Kuma a tu bhingile . . . ni kudionda kuavulu o ujitu uenhú.’—2 Kol. 8:1-4.

Mukonda dia kiki, se tu tena ku sangela ‘kitadi kia tolo o valolo,’ tu di lembalala kuila kioso athu avulu a sangela kama, mu bandekesa ku bhiluka kima kia dikota. O ku bhana kuetu ni muxima uoso, ku sangulukisa o Tata ietu ia diulu mukua ku bhana. ‘Nzambi u zola o mukua ku bhana ni ngalasa ioso.’—2 Kol. 9:7.