Os Jovens Perguntam—O Que Fazer da Minha Vida? (Mbandu ia 1)
Kioso o minzangala kiaia ni ku kula, ene a bhinga ku sola kiambote o ima. Phala kua kuatekesa, a bhange o vidiu Os Jovens Perguntam—O Que Fazer da Minha Vida? Kioso ki u jikula o dilonga, sola o kizuelu Iniciar o Drama, mu ku suluka tala se u tena ku tambuijila o ibhuidisu iala mu kaxi ka 2. Mu ku kaiela-ku, sola o kizuelu Entrevistas ni u sole o kizuelu Relembrando, phala ku tambuijila o ibhuidisu iala mu kaxi ka 3.
Drama: (1) Kiebhi o maka a dibhana nau Timote a difu ni maka a minzangala ia Jikidistá lelu? (2) Kiebhi Mandele a mu fuinhisa ku uhete ua ku lenga? (3) Ihi ia zuela phange Fleissig kua Mandele ia lungu ni (a) ku di bhakula kua Jihova ni ku uhete ua ku lenga? (Mat. 6:24) (b) O ku zediua kua kidi, kuijila kuebhi? (c) Ihi ia mu lembalesa o ditijela dia phange Fleissig? (d) Ihi ia mu lembalesa o athu ala mu foto, phange Fleissig ni muhatu’ê? (e) O kuila mu ku xa o ufunu uê ua ku zóua mukonda dia ukamba uê ni Nzambi, ua diela? (Fil. 3:8) (4) Kiebhi o kuku’â Mandele kia tambuijila o kibhuidisu kia mu bhangele, “Se kima kia iibha o ku kala ni fuma?” (Luk. 4:5-7) (5) O kuila o ku nganhala o joko kua bhekela ku zediua kua kidi kua Mandele? (6) Ihi ia ku uabhela dingi ku mukanda ua Phange Fleissig ua xisa kua Mandele? (Jisa. 10:22) (7) Ihi ia bhange Phange Fleissig phala ku sunga o kilunji kia Mandele?
Relembrando: (8) Ikalakalu iahi mu nzumbi ia kexile mu kaiela o jiphange ni mukonda diahi? (9) Ikalakalu iahi iambote ku muenhu uâ ia kexile na-iu? (10) Ihi ia a bhangesa ku lungulula o ukexilu ua muenhu uâ? (2 Kol. 5:15) (11) Ikalakalu iahi mu nzumbi ia kaiela ene ni mukonda diahi a banze kuila, ki ki bhana o ku kaiela ima iiadi? (12) O kuila ene a diela mu ku kaiela ukexilu uéngi ku mienhu iâ? (13) Ihi ia zuela ene ia ku bhangesa o ku xinganeka, se kiebhi ki ua tokala ku bhanga ni muenhu uê?
Tua ku dióndo, tala o ibhuidisu ni milongi ia mukuá ni u kale polondo phala ku bhana itambuijilu mu Kiônge kia Sidivisu mu semana ia kaiela.