Ifika ia Bhebhuluka

Itendelesu phala ku bhana o kamukanda Jinjimbu ja Utuminu No. 38

“Nga mu bhana o kamukanda kaka ku athu, o kamukanda kaka, a mu ka bhana ku mundu uoso, muala njimbu iambote. O kaka phala eie.”

Kitendelesu: Ki tu tokala ku zuela kiavulu, n’i tu tena ku tu bhana mu mbambe ioso. Maji saí ithangana o mukua dibhata nange u ka uabhela inga u mesena ku zuela dingi. Se kiene, u tena ku mu ibhuidisa se ihi ia banza ia lungu ni kibhuidisu ki tu sanga mu kapa, ku tanga kibatulu kia Bibidia, ni ku mu jimbulula ima ia mukuá i tu sanga mu kamukanda, se kithangana ki bhana. Ande dia kuia, mu londekese o diambu diambe “Xinganeka” u mu londekesa o kibhuidisu, ni u zuele o kizuua ki ua-nda vutuka.

O Mulangidi 1 ua Kamoxi

“Mudiê, makutu ahi ene mu zuela o athu alungu ni Nzambi? [Ehela o muthu n’a tambuijile.] O Bibidia i longa kuma, Nzambi ua mesena kuila o athu a mu zola ni ku mu dielela. [Tanga Izaia 41:13.] O Mulangidi iú, ulondekesa makutu atatu ene mu zuela o athu alungu ni Nzambi, ene mu bhonzesa o athu ku zukama kua Nzambi.”

Despertai! Kamoxi

“Tua mu kunda o athu, mukonda athu avulu a thandanganha ni ukexilu ua iibha ua athu. Mudiê, o kuila o athu ala ni ukexilu uambote lelu? [Ehela o muthu n’a tambuijile.] O Bibidia ia kanene kiá sé o athu eji kala ni ukexilu uebhi. [Tanga 2 Timote 3:1-5.] O Despertai didi, dilondekesa se mukonda diahi tua tokala ku dielela mu milongi i tu sanga mu Bibidia.”