Ku Bandekesa o Uhete mu Ukunji Uetu—Mu ku Bhana Umbangi, Kioso ki ku Moneka Kithangana

Mukonda Diahi Kima Kiambote ku Bhanga Kiki: Kioso ki tu boka nzo ni inzo, saí athu ki tuene mu a sanga. Kienhiki, o athu enhá tu tena ku zuela nau kioso ki tuendela mu maximbombo ni mu komboio, kioso ki tu kingila o dotolo, mu kithangana kia ku nhoha mu sidivisu, mu xikola, ni mu ididi ioso-ioso. Jihova ua mesena kuila, oso evua o njimbu ia Utuminu. (1 Tim. 2:3, 4) Phala ku boka o njimbu, tua tokala tu mateka ku zuela.

Kiebhi ki tu Tena ku Bhanga Kiki:

Sola kiambote. O kuila o muthu uala ni ngalasa, ua mesena ku zuela? O kuila o kididi kia tululuka phala ku zuela nê? Saí aboki a mateka ni ku tala ku mesu a muthu ni ngalasa ioso. Se o muthu ulondekesa ué ngalasa, a mateka o ku zuela.
Samba, se ku bhonza ku mateka kuzuela.—Nehe. 2:4; Ika. 4:29.
Menekena, ximana o muthu. Jezú ka mateka ku zuela ni muhatu mukua Samádia ia lungu ni Utuminu. (Nzu. 4:7) Saí bhabha tu tena ku mateka ku zuela ni athu mu kua ximana: “O an’ê ala ni ukexilu uambote!” Ku bhanga kibhuidisu, ndunge iéngi phala ku mateka ku zuela: “O kuila mazá uevu o minangu mu usuku?”
Kioso ki ua-nda mateka ku zuela ni muthu, sota kithangana phala ku tula o njimbu iambote, maji kana ku kala ni lusolo. Zuela mu ukexilu uambote. Nange u tena ku zuela kima ki bhangesa o muthu kuijiia dingi mba ku bhanga kibhuidisu. Mu kifika, se ua mu zuela maka alungu ni muiji, nange u tena ku zuela: “Nga mono kuila íii milongi iambote phala ku sasa o tuana.” Se ua mu zuela maka alungu ni minangu, u tena ku zuela: “Nga sanguluka kioso ki nga tange njimbu iambote ia lungu ni ku lungulula o ima.” Kana ku luuala se ku tena ku bhana umbangi.
Ambata tumikanda ni madivulu, phala ku tu bhana ku muthu ua mesena kuijiia dingi.

Fikisa o Ndunge Íii mu Mbeji Íii:

Kala semana ki u mateka ku zuela ni muthu, suua mbambe ia ku bhana umbangi kioso ki ku moneka kithangana.