Ifika ia Bhebhuluka

Kuebhi ku tu Sanga o Itambuijilu ia Ibhuidisu ia Beta o Kota ku Muenhu?

Bhana o kamukanda ku mukua dibhata, n’a mone o diambu, mu menekene: “Ua zekele. Tua mu bhana o tumikanda tutu ku athu oso ku mundu, muala njimbu iambote. Kaka o kamukanda kê.”

Se ua mesena ku xisa tumikanda ku athu kala mu inzo, ta kiambote o kamukanda phala ki ka di budike.

Se o mukua dibhata ua mesena ku zuela dingi, mu ibhuidise iebhi o ibanzelu iê ia lungu ni ibhuidisu iala ku kapa. Jikula o kamukanda, mu londekese ihi i zuela o divulu dia Jisálamu 119:144, 160. Mu londekese o milongi i tu sanga mu kamukanda bhu kaxi ka Kijimbuete kietu, phala ku mu kuatekesa kuijiia o itambuijilu ia Bibidia. Nange u tena ku mu londekesa o vidiu, “Mukonda diahi Tua Tokala ku di Longa o Bibidia”? Ande dia ku tunda, mu londekese o ibhuidisu itatu iala ku dima dia kamukanda, mu ibhuidise o kibhuidisu kiene mu mu thandanganhesa dingi. Mu tangele kuila uala polondo phala ku mu kunda dingi, mu kizuua kiéngi phala ku mu londekesa kiebhi kia tena ku sanga o itambuijilu ia Bibidia mu jw.org. Kioso ki ua-nda mu kunda dingi, londekesa o itambuijilu mu mbandu iambe ENSINOS BÍBLICOS > PERGUNTAS BÍBLICAS RESPONDIDAS.

Se mu diembu diê, a mu bhana o tumikanda tua kiônge kia dikota, bhana o tumikanda tuiadi ku mukua dibhata ni ku mu tangela, “Tua mu bhana o kamukanda kaka, phala kuia mu kiônge kia dikota kia-nda bhita sé ku futa kima.”

O Mulangidi 1 ua Kakuinhi

Mu masukilu a semana, sé ki bhana zuela o ndunge íii, phala ku bhana O Mulangidi: “Tua mesena ué ku u bhana o Mulangidi iú ua ubhe. O Mulangidi iú u tambuijila o kibhuidisu, O kuila Nzambi u ku suua?”

Despertai! Kakuinhi

Mu masukilu a semana, sé ki bhana zuela o ndunge íii, phala ku bhana Despertai!: “Tua mesena ué ku u bhana o Despertai didi dia ubhe. O Despertai! didi di tambuijila o kibhuidisu, Kiebhi o athu kia tena ku sanga o ku tululuka?”