Bhana ‘Ima Iambote’ mu ku Londekesa Ukexilu ua ku Zalela (Mat. 12:35a)

Sé phata etu oso, tua mesena ku bhana “ima iambote,” ku athu mu ku a londekesa o ‘ukexilu ua ku zalela.’ (Lom. 12:13) O tufunga a a bhana itendelesu, phala ku bhana phangu, mu ku kuatekesa o ajitu a bhanga o madiskursu ni ku a bhana kudia. Ki tu tokala ku kala ni hele ia kulondekesa o ukexilu ua ku zalela, mukonda ki tuala ni ima iavulu mba ku kala ni jisonhi ja ku tambula ajitu ku mabhata metu. O ku kaiela o milongi ia bhanene Jezú, kua Marta, i tena ku tu kuatekesa ku dibhana ni ibanzelu ia ku di tolesa. (Luka 10:39-42) Muéne ua londekesa kuila, “o mbandu iambote” o ku kala kumoxi ni ku di suínisa, ki ku bhana kudia kua te kalu iavulu mba ku kala ni inzo iambote. Mu ku kaiela o milongi íii, tu tena ku bhana “ima iambote,” ku jiphange jetu kala kilondekesa o Mak’a Nzambi.​— 3 Nzua 5-8.