“Maka Enhá . . . Ua Tokala u a Bhaka ku Muxima Uê”

O jitata a a sokesa ni abhidi. Ene a tokala kulanga kiambote o tuana mukonda kala luua ni unjimu ua soko. (Jisa. 27:23) Kiebhi o jitata kia tena kubhanga o kikalakalu kiki? Izuua ioso ene a tokala kusota kithangana, kia kuzuela ni ana phala kuijiia iala ku mixima ni ku ilunji iá. (Jisa. 20:5) Jitata, longe-nu ni jifalamenda ja tokala phala kukolesa o kixikanu kia an’enu. (1 Kol. 3:10-15) O vidiu “Maka Enhá . . . Ua Tokala u a Bhaka ku Muxima Uê” i londekesa o valolo ia ku bhanga o ubhezelu ku muiji ithangana ioso. Tala kumoxi ni muiji, zuela ia lungu ni ibhuidisu íii.

(1) Ihi ia bhangesa o muiji ua Tomaji kuzoza mu nzumbi? (2) Mukonda diahi mu dimatekenu Phange Tomaji, ka ditundu kiambote mu kubhanga o ubhezelu ku muiji? (3) Ibatulu iebhi ia Bibidia, i kuatekesa o jitata kusasa kiambote o tuana? (Mate. 6:6, 7) (4) Ihi i tena kukuatekesa o muiji kudizuelesa kiambote? (5) Ihi ia tokala kubhanga o jitata, phala kukuatekesa o ibhindamu ia ana? (6) Kiebhi o jiphange kia tena kukatula mbote ku musoso ua muiji ua Tomaji? (Jisa. 27:17) (7) Mukonda diahi o mutuameni ua muiji, ua tokala kudipelepalala phala o ubhezelu ku muiji kutunda kiambote? (8) Ihi ia kuatekesa Phange Tomaji kuditunda kiambote? (9) Mukonda diahi kima kiambote kubhanga ubhezelu ku muiji ithangana ioso? (Efe. 6:4) (10) Ndunge jebhi ji tuala naju phala o ubhezelu ku muiji? (11) Kiebhi Phange Tomaji ni henda ni kusuína, kia kuatekesa Maluku kumona o valolo ia kubhanga o ima iauabha? (Jel. 17:9) (12) Kiebhi Phange Tomaji ni Kazola kê, kia kuatekesa Bebeka kubatula kiambote o maka a lungile ni ukamba uê ni Justu? (Mar. 12:30; 2 Tim. 2:22) (13) Kiebhi o Dikaza didi, dia londekesa kixikanu kioso kia sosolola o ukexilu ua muenhu uâ? (Mat. 6:33) (14) Kiebhi o vidiu ilondekesa kiambote o valolo ia atuameni a miji, kulanga o muiji mu nzumbi? (1 Tim. 5:8) (15) Se u mutuameni ua muiji, ihi i ua-nda bhanga?

KITENDELESU PHALA O ATUAMENI A MIJI: O drama íii ia izuua ietu, a i londekesa mu kiônge kia dikota kia 2011. Tundé ku muvu ienióio, ua mono kuila, ua tokala kulungulula o ukexilu uê, ua kubhanga o ubhezelu ku muiji? O lelu? Se ua mono kuila, kua bhingi kulungulula kima, tua kudiondo, bhanga ioso phala o mbote ia muiji uê.​—Efe. 5:15-17.