Kubandekesa o Uhete Uetu mu Ukunji—Kubhana Umbangi mu Ididi ia Kusumbisa

Mukonda Diahi Kima Kiambote Kubhanga Kiki: Athu avulu a kalakala ola javulu, phala ku a tudila o njimbu iambote, kubhinga ku a bhana umbangi ku salu iâ. Kima kiambote kubhana umbangi mu ididi ia kusumbisa, kubhekela mabesá, mukonda tu tena kusanga o athu, o akalakadi a xila o akua kusumba. Phala kuditunda kiambote o aboki a tokala kulondekesa ukexilu uambote ni kuzuata kiambote. (2 Kol. 6:3) Mu kiki, o kafunga ka sidivisu ua tokala kuijiia o mbambe iala ni ididi ia kusumbisa, a mu kalakala-mu ni a nanhi a mu kalakala-ku.

Kiebhi ki tu Tena Kubhanga Kiki:

Pelepalala kifika kia bhebhuluka. Se tu bhanga kithangana kiavulu ni akalakadi, ki tua-nda tena kuzuela nau dingi kizuua kiéngi.
Sola ku a kunda se se-ku akua kusumba, nange kioso kia jikula.
Bhanga nguzu ia kudianga kuzuela ni xefe. Zuela ni ngalasa. U tena kuzuela: “Tua mu kunda o athu ku salu iâ, mukonda kubhonza ku a sanga kubhata.” Bhanga kifika kia bhebhuluka, mu bhane kamukanda, Mulangidi ni Despertai mba divulu dioso dioso. Phala ka fike kuila, tu asumbisi , ki kubhingi kubhinga kitadi, ki kale ngó se a tu ibhuidisa se nanhi uene mu futa o madivulu metu.
Se xefe n’a xikina, mu bhinge phala kuzuela ni akalakadi amukuá. Saí ididi ia kusumbisa, kima kiambote kuibhuidisa se kibhana kuxisa madivulu mu kididi kia kudia.
Kala ni unjimu, kana kujijidika. Mu kifika, se o mukalakadi ua mu zuela ni mukua kusumba mba ua thandanganha ni kima kiéngi, kingila katé kia-nda zubha ande dia kuzuela nê.

Fikisa o Ndunge Íii mu Mbeji Íii: