Kubandekesa o Uhete Uetu mu Ukunji—Kukuatekesa o Maxibulu Kukala ni Ukexilu Uambote ua Kudilonga

Mukonda Diahi Kima Kiambote Kubhanga Kiki: Phala kukula mu nzumbi, o maxibulu a tokala kuijiia o milongi ia zongo ia Mak’a Nzambi ku mixima iâ. (Jihe. 5:12–6:1) Kubhinga ngunzu phala kudilonga. Kubhinga kusokeka o milongi ia ubhe ni milongi i tuejiia ni kuijiia o valolo iê. (Jisa. 2:1-6) Kusota o milongi ubheka uâ, kua-nda kuatekesa o maxibulu kutambuijila o ibhuidisu ia Bibidia bhu kaxi ka madivulu metu. O nguzu ia bhanga phala kukumbidila ia di longo, ia-nda kua kuatekesa kudibhana ni ibhidi ia-nda dibhana na-iu ku muenhu.—Luka 6:47, 48.

Kiebhi ki tu Tena Kubhanga Kiki:

Londekesa o valolo ia kusota o kikuatekesu kia Jihova, mu musambu kioso kia dilonga.—Nzuá 14:26; 1 Kol. 2:10.
Kudimatekenu, mu suínise kusokeka o milongi ia-nda di longa mu kithangana kia soko. Mu londekese o divulu diê, mu longe kiebhi kia sola o kitambuijilu ni kusola o izuelu ia beta o kota.
Suínisa o dixibulu kutambuijila mu izuelu iê. Kana kulonga ngó bhu kaxi ka ibhuidisu ni itambuijilu, phala o dixibulu kutanga ngó o itambuijilu mu divulu.
Suínisa o dixibulu diê kutanga o Bibidia izuua ioso. Mu londekese o mukanda ua kutanga o Bibidia ku muvu, uala mu jw.org, phala ku mu kuatekesa o kutanga. Ku mu suínisa kutanga o Bibidia izuua ioso kubhinga nguzu, se u bhanga kiki ua-nda katula mbote.—Jisá. 1:2, 3.
Londekesa ku dixibulu diê, kiebhi kia tena kusanga o itambuijilu ia Bibidia mu kusota o BIBLIOTECA ON-LINE da Torre de Vigia. Mu londekese o ijimbuete a madivulu a kudilonga mu iônge.

Fikisa o Ndunge Íii mu Mbeji Íii:

Mu kuzubha o diambu mba diambu dia kaiiadi, bhinga ku dixibulu diê phala kubhitulula o milongi. Se ki uala ni dixibulu, tanga ibatulu ia Bibidia mba kaxi ka Mulangidi mu ithangana phala kutanga kiambote.