Kudipelepalala Kiambote Phala Kulonga ni Uhete

Jezú a mu bhangele kibhuidisu kimoxi mu veji jiiadi, ia lungu ni muenhu ki uábhua maji kala muthu ua mu tambuijila mu ukexilu uê. (Luka 10:25-28; 18:18-20) Né muene se tua tendela kiambote o milongi i tua-nda longa, tua tokala kupelepalala mu kubanza o ibhindamu ia dixibulu dietu. Milongi iebhi ia mu bhonzo kutendela ni ku kixikina? Ibatulu iebhi ia Bibidia i tua tokala kutanga ni muéne? Kaxi ji kuxi ji tua tokala kulonga? Nange tua tokala kupelepalala o ifika, ni kujimbulula mba kubhanga ibhuidisu ia mukua phala kukuatekesa o dixibulu kutendela o milongi. Tuejiia kuila, Jihova muene u kudisa o kidi ku muxima, mu kiki tua tokala kubhinga kua Jihova phala ku tu kuatekesa kupelepalala o milongi ni dixibulu dietu ni kubesoala o nguzu i tu bhanga phala kukula mu nzumbi.—1 Kol. 3:6; Tiia. 1:5.