Longa Kiambote o Jipondo ja Beta o Kota ia Divulu Bibidia i Longa

Kioso o dixibulu kia dilonga ihi i longa o Bibidia ni ku i kumbidila ku muenhu, ua-nda kula mu nzumbi. (Jisá. 1:1-3) Tu tena kukuatekesa o dixibulu dietu kukula mu nzumbi, mu kulonga kiambote o jipondo ja beta kota ia divulu Bibidia i Longa.

Ibhuidisu ia Kumateka: Kudimatekenu dia kibatulu muala ibhuidisu, a i tambuijila mu disá. U tena kubhanga o ibhuidisu mu dimatekenu, phala kulondekesa ku dixibulu o milongi ia-nda dilonga. Mba ku mu bhinga kutambuijila o ibhuidisu mu kithangana kiofele. Se ka tambuijila kiambote, kana ku mu bazela. O kitambuijilu kia bhana, kia-nda ku kuatekesa kuijiia o ji pondo ji ua tokala ku mu jimbulula kiambote.—Jisa. 16:23; 18:13.

Kibandekesu: Se o dixibulu u tendela ni kuxikina o milongi ia dilongo kiá, mu bhinge phala kudilonga o kibandekesu ubheka uê. Kioso ki mu dilonga, sota kuijiia se ua tendela o milongi ia dilongo. Maji se ki bhana, phala ku mu kuatekesa, u tena kusota kithangana kioso u mu longa, phala kuzuela o milongi ia kibandekesu mba ji pondo mu kutanga o kaxi ni kubhanga ibhuidisu i ua pelepalala kiá.

Ibhuidisu ia Kubhitulula: O ibhuidisu ia kubhitulula ia disukilu dia kibatulu muala o itambuijilu ia ibhuidisu ia kumateka. U tena kubhanga o ibhuidisu íii, phala kuijiia se dixibulu diê ua tendela o ji pondo ja beta kota. Tanga ni dizuí dia suína ni kutanga o kibatulu kia Bibidia. Bhinga o dixibulu kujimbulula kiebhi o ibatulu ia Bibidia itambuijila o kibhuidisu.—Ika. 17:2, 3.