Sambelenu o Jikidistá Joso Ene mu a Zukutisa

O Bibidia ia kanena kuila, Satanaji ueji tu zukutisa phala ku tu fidisa kubhanga o kikalakalu kia ukunji. (Nz 15:20; Dij 12:17) Kiebhi ki tu tena kukuatekesa o Jiphange a mu a zukutisa mu jixi jâ? Tu tena ku a sambela. “O kusamba kua muthu ua iuka, ku lenda kiavulu mu kukalakala.”—Tii 5:16.

Tu a sambela mu ku a bhingila ihi? Tu bhinga kua Jihova, phala kubhana nguzu ku jiphange jetu phala ka kale ni uôma. (Iz 41:10-13) Tu samba ue phala o jinguvulu ja tokala mu jixi jenhojo, kuehela o kikalakalu kietu kia kuboka, “phala tu tene kutunga ni muxima ua batama, sé kavuanza, sé jimvunda.”—1Ti 2:1, 2. 

Kioso Phaulu ni Phetele kia a zukutisa, o Jikidistá ja dianga, a sambe mu ku tumbula o majina mâ. (Ik 12:5; Lo 15:30, 31) Né muene se ki tuijiia o majina ma jiphange joso a mua zukutisa lelu, o kuila tu tena kua sambela mu ku tumbula o ilunga, ixi ni mbanza iâ?

Nga mesena kusambela o jiphange a mua zukutisa mu jixi jiji: