O VALOLO IA MAK’Â NZAMBI | JELEMIIA 51-52
Izuelu ia Jihova i Dikumbidila ni Kidi Kioso
Jihova ua tange o izulukutu ieji bhita ku hádia
Mulangidi mu inzo ia sobha ia Pelesa, mukuá kutakula misongo ia mifula
‘Zuikenu o misongo’
51:11, 28
Akuá Mediia ni akuá Pelesa, exile jihete ja kutakula misongo ia mifula. Ene a betele kubhânga dingi ni misongo. Ene exile mu zuika kiambote o misongo iâ, phala kubokona kiambote mu mikutu
“O mazonda a Babilonha kubhânga a ku’eha”
51:30
O Malunda a Nabonido, a zuela: “O masoladi a Silu a bokona mu mbanza ia Babilonha sé kubhânga.” O izuelu iê ilondekesa kuila, o ima ia kanena Jelemiia ia dikumbidila muene
Malunda a Nabonido
‘O mbanza ia Babilonha, ia-nda kituka ndumba ia matadi, ngundu i nangenena’
51:37, 62
Tundé ku muvu ua 539 A.K.K., o fuma ia akuá Babilonha ia mateka kujima. Alexandre ia Dikota ua mesenene kuila, o mbanza ia Babilonha i kala o mbanza ia dikota mu ixi, maji muene uafu. Ku dimatekenu dia kithangana kia Jikidistá, kua tungile hanji Jijudé javulu mu mbanza íii. Kiki kiene kia bhangesa poxolo Phetele ku kunda Babilonha. Maji ku hama ia kauana K.K., o mbanza íii ia kituka kiphulungunzu kia hatu, a i buika